Josué 7:21 - BIBLIA - traduson antigu in Krioulo

²¹ Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”

Josué 7:21 ပူးပေါင်းရင်းမြစ်များ

Kumsada 10:10

Na kumsada, si renu seduba Babel, Erek, Akad, ku Kalné na tera di Sinar.

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 34:27

Dipus di ki matansa, ki utru fijus di Jakó e bin toma tudu kusa na prasa, pabia la ku se irma disonradu.

Kumsada 6:2

Fijus di Deus oja kuma fijus femia di omis e bonitu. E kasa ku kilis ke mistiba.

2 Samuel 11:2

Un dia di tardi, oca Davi lanta na kama, i na pasia-pasia riba di palasiu. Di la i oja un minjer ku na lababa kurpu. Ki minjer i bonitu ba dimas.

2 Reis 7:8

Ki omis ku teneba mpincu ciga na kampamentu, e yentra na un tenda, e kume, e bibi, e toma prata ku uru ku ropa, e bai sukundil. E riba e yentra na utru tenda, e toma utru kusas, e bai sukundil.

Jo 31:1

“N fasi kontratu ku ña uju; nta kuma ku N na pul na un bajuda?

Salmus 119:37

Ka bu disa ña uju jubi-jubi kusa ku ka bali; arnoba ña vida konformi bu palabra.

Saida 20:17

“Ka bu kubisa kasa di bu kumpañer, nin ka bu kubisa si minjer, si katibu macu o femia, si turu, si buru, nin nada di bu kumpañer.”

Ditus 1:19

I asin ki kamiñu di algin ku ta yanda na tarpasa. Ki tarpasa i ta tira vida di algin ku yentra nel.

Ditus 23:31

Ka bu jubi pa biñu ora ki mostra burmeju, i na lampra na kopu, i na kua sabi.

Ditus 28:22

Algin nveẑosu i ta kuri tras di rikesa, ma i ka sibi kuma koitadesa na peral.

Ditus 4:23

Riba di tudu, guarda bu korson, pabia el i fonti di vida.

Isaias 28:15

Bo ta fala: “No fasi kontratu ku mortu, no sina akordu ku kau di mortus, pa ora ku korenti forti di yagu na pasa, i ka na ciga na nos, pabia no fasi mintida pa i sedu no kau di suguransa, no sukundi bas di nganu.”

Isaias 29:15

Koitadi di kilis ku ta fasi se planus na kau sukundidu pa SIÑOR ka oja elis, e fasi se kusas na sukuru, e punta: “Kin ku na ojanu? Kin ku na sibi?”

Abakuk 2:9

“Ai di kil ku junta na si kasa rikesa ki ngaña na un manera mau, pa pui si niñu na kau altu, pa libra di puder di mal!

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 12:2

I ka ten nada kubridu ku ka na bin diskubridu, nin sukundidu ku ka na bin sibidu,

Efésius 5:3

Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus.

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

Tiagu 1:15

Ora ku ki diseẑu mau preña, i ta padi pekadu. Ora ku pekadu kirsi, i ta padi mortu.

Josué 7:20

Akan fala Josué: “Bardadi, N peka kontra SIÑOR Deus di Israel. Kusa ku N fasi i es:

Josué 7:22

Asin Josué manda jinti; e kuri pa tenda, e oja ki kusas sukundidu, ku prata mas bas.

2 Pedru 2:15

E disa kamiñu diritu, e yara, e bai pa kamiñu di Balaon, fiju di Beor, ku staba pruntu pa risibi pagamentu pa fasi mal,