Josué 7:2 - BIBLIA - traduson antigu in Krioulo

² Di Jerikó, Josué manda omis pa Ai, ku sta pertu di Bet-Aven, lungu di Betel na ladu di saida di sol, i fala elis: “Bo bai jubi tera.” Asin ki omis bai, e bai jubi Ai.

Josué 7:2 ပူးပေါင်းရင်းမြစ်များ

Kumsada 12:8

Di la i bai dianti pa monti na ladu di Betel na saida di sol, i yarma si tenda. Betel staba na ladu di kaida di sol; Ai staba na ladu di saida di sol. I kumpu tambi un altar la pa SIÑOR, i coma nomi di SIÑOR.

Kumsada 28:19

I coma nomi di ki kau Betel. Nomi di ki prasa purmeru i seduba Luz.

1 Reis 12:29

I pui un bakasiñu na Betel, i pui ki utru na Dan.

Neemias 11:31

Jinti di jorson di Benjamin, di Jeba, e moraba na Mikmás, Aija ku Betel, ku se tabankas na roda,

Ditus 20:18

Ku konsiju bu planu pudi bai dianti; si bu na fasi gera, buska konsiju jiru.

Ditus 24:6

Pa fasi gera bu pirsisa di konsiju jiru; pa ngaña gera bu pirsisa di manga di konsijadur.

Isaias 10:28

Inimigus na ciga ja na Aiat, e na pasa pa Migron, e na disa si kargu na Mikmás.

Jeremias 49:3

Abos, pobu di Esbon, bo pupa, pabia prasa di Ai i kabadu ku el. Jinti di Rabá, bo grita, bo mara saku, bo cora, bo kuri, bo da volta dentru di muras, pabia Milkon na bai katibu, juntu ku si saserdotis ku si ŝefis.

Oseias 4:15

“Abo, Israel, nin ku bu misti yanda na mau vida, ka bu pui Judá pa i sedu kulpadu; ka bo bin pa Jilgal, nin pa Bet-Aven, nin ka bo jurmenta pa vida di SIÑOR.

Mateus 10:16

Ali N na manda bos suma karnel na metadi di lubu; gosi bo dibi di jiru suma kobra, mansu suma pumba.

Efésius 5:15

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru.

Josué 12:9

E ngaña reis de prasas: Jerikó, Ai lungu di Betel,

Josué 18:12

Se frontera na banda di norti i kumsa na Jordon, i subi pa ladu di Jerikó na norti, i pasa na montañas pa kaida di sol, i sai na lala di Bet-Aven.

Josué 2:1

Josué, fiju di Nun, coma dus omi na Sitin, na sigridu, i fala elis: “Bo bai jubi tera; ma tudu manera bo jubi Jerikó.” E bai, e yentra na kasa di un minjer di mau vida ku ta comaduba Raab, e durmi la.

Josué 7:3

Oca ke riba pa Josué, e falal: “I ka bali pena pa tudu tropas bai. I pudi bai son dus o tris mil omi pa toma Ai. Ka bu kansa tudu tropas, pabia ki jinti puku.”

1 Samuel 13:5

Filisteus junta pa geria kontra Israel ku trinta mil karu, seis mil tropa di kabalu ku utru tropas ciu suma reia na praia. E bai kampa na Mikmás na ladu di orienti di Bet-Aven.

1 Samuel 14:23

Asin SIÑOR libra Israel na ki dia. Gera kontinua tok i pasa Bet-Aven.

1 Samuel 30:27

I manda pa kilis di Betel, Ramot di sul, Jatir,