Josué 7:19 - BIBLIA - traduson antigu in Krioulo

¹⁹ Josué fala Akan: “Ña fiju, da gloria pa SIÑOR Deus di Israel, bu konfesa si dianti. Kontan gosi ke ku bu fasi; ka bu sukundin nada.”

Josué 7:19 ပူးပေါင်းရင်းမြစ်များ

2 Reis 20:15

Isaias puntal: “Ke ke oja na bu kasa?” Ezekias falal: “E oja tudu ku sta na ña kasa. I ka ten nada di ña rikesas ku N ka mostra elis.”

2 Kronikas 30:22

Ezekias papia palabras di animu pa tudu levitas ku tenba bon ntindimentu na sirvis di SIÑOR. E kume ofertas di festival pa seti dia, e fika e na da ofertas di pas, e na ngaba SIÑOR, Deus di se papes.

Salmus 32:5

Asin, N konfesa ña pekadu; N ka sukundi mal ku N fasi. N fala kuma N na konfesa SIÑOR kusas mau ku N fasi; bu purdan kulpa di ña pekadu. Sela

Salmus 51:3

N rapara mal ku N fasi, ña pekadu sta sempri ña dianti.

Ditus 28:13

Kil ku sukundi si pekadus nunka i ka na bai dianti, ma kil ku konfesa, i disa, i ta yangasa miserikordia.

Isaias 13:12

N na pui omis pa i mas kansadu oja di ki uru puru; ki uru finu di Ofir i ta mas lestu pa ojadu.

Jeremias 13:16

Bo da gloria pa SIÑOR bo Deus antis di i tisi sukuru, pa ka bo pe bin da tapada na montis na fuska-fuska. Bo na pera lus, ma el i na mudal pa sombra di mortu, pa sukuru meduñu.

Daniel 9:4

N papia ku SIÑOR ña Deus, N konfesa, N falal: “O SIÑOR, Deus garandi, meduñu, bu ta guarda bu kontratu, bu mostra amor pa kilis ku amau, e obdisi bu mandamentus;

Lukas 17:18

I ka ten nin un son ku riba pa ngaba Deus fora de stranjeru?”

Bon Noba di Jesus Kristu ku Jon 9:24

E coma pa sugundu bias ki omi ku segu ba, e falal: “Konta bardadi dianti di Deus. Anos no sibi kuma ki omi ta fasi mal.”

Romanus 10:10

Ku korson no ta fia pa no ojadu justu; ku boka no ta konta pa no yangasa salbason.

2 Timótiu 2:25

mansu pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

Titu 2:2

Konsija omis beju pa e sedu seriu, ku bon juisu, ku pudi guberna se kabesa, ku kunsi bardadi, e fia nel, ku ten amor, ku firmesa.

Tiagu 1:20

pabia raiba di omi ka ta juda pa kusa sta diritu suma ku Deus misti.

Josué 7:20

Akan fala Josué: “Bardadi, N peka kontra SIÑOR Deus di Israel. Kusa ku N fasi i es:

Apokalipsi 16:9

E kemadu ku ki garandi kalur. E fala mal di nomi di Deus ku ten puder di manda ki kastigus. E ka ripindi, nin e ka dal gloria.

1 Samuel 14:43

Saul fala Jonatas: “Kontan ke ku bu fasi.” Jonatas falal: “N kume son un bokadiñu di mel na ponta di po ku N teneba na mon. Nta N ten ku muri?”

1 Samuel 6:5

Bo labra imaẑens di bo tumoris, ku imaẑens di bo ratus ku na fasi danu na bo con, bo da gloria pa Deus di Israel. Talves i na tira si mon pisadu riba di bos ku bo deus, ku bo con.