Josué 6:6 - BIBLIA - traduson antigu in Krioulo

⁶ Asin Josué, fiju di Nun, i coma saserdotis, i fala elis: “Bo leba arka di kontratu di SIÑOR; seti saserdoti e ta leba kornetas dianti di arka.”

Josué 6:6 ပူးပေါင်းရင်းမြစ်များ

Saida 25:14

Bu na miti varas na ki anilias na ladus di arka, pa pudi karga arka ku elis.

Atus 9:1

Saulu ka para inda ameasa mortu pa disipulus di Siñor. I bai pa ŝef di saserdotis,

Josué 24:11

“‘Dipus, bo kamba Jordon, bo ciga na Jerikó. Moraduris di Jerikó e geria kontra bos, suma tambi amoreus, perizeus, kananeus, eteus, jirgaseus, eveus ku jebuseus, ma N da elis na bo mon.

Josué 3:3

e da pobu ordi, e fala: “Ora ku bo oja arka di kontratu di SIÑOR bo Deus ku saserdotis, ku sedu levitas, na leba, bo sai tambi na bo lugar, bo bai si tras,

Josué 3:6

Josué fala saserdotis: “Bo lambu arka di kontratu, bo pasa dianti di pobu.” E lambul, e pasa dianti.

Josué 6:13

Ki seti saserdoti ku na lebaba seti korneta e pega kamiñu dianti di arka di SIÑOR, e na toka korneta sin para. Guardas yarmadu e bai se dianti; utrus na marŝa tras di arka di SIÑOR.

Josué 6:5

Ora ku bo obi e na toka di kumpridu, tudu tropas ta grita ku forsa; dipus, mura di prasa ta kai. Tropas e ta bai, kada omi pa kau ku sta si dianti.”

Josué 6:7

I da ordi pa si tropas pa e kumsa janan da volta di prasa, ku guarda yarmadu dianti di arka di SIÑOR.

Josué 6:8

Oca ku Josué kaba papia ku tropas, ki seti saserdoti ku na leba seti korneta dianti di SIÑOR e pega kamiñu, e na toka se kornetas. Arka di kontratu di SIÑOR na sigi elis.

1 Samuel 4:3

Oca ku tropas riba pa kampamentu, garandis di Israel punta: “Ke ku manda SIÑOR pui filisteus ngañanu aos? Bin no bai tisi arka di kontratu di SIÑOR na Siló, pa i pudi bai ku nos pa libranu na mon di no inimigus.”