Josué 6:3 - BIBLIA - traduson antigu in Krioulo

³ Abo ku tudu bu tropas bo na da volta di prasa un bias kada dia duranti seis dia.

Josué 6:3 ပူးပေါင်းရင်းမြစ်များ

2 Kronikas 4:3

Bas di borda i tenba dus filera di fajamentu, suma turus, ku da volta di bañera tudu, vinti turu na kada metru. Na fundison, ki turus e formadu tudu juntu ku bañera.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

2 Koríntius 4:7

Anos no tene e rikesa na vasu di lama, pa mostra kuma garandesa di puder i di Deus, i ka di nos.

Josué 6:11

Asin i pui pa e leba arka di SIÑOR pa e da volta di prasa un bias. Dipus, tropas riba pa kampamentu, e durmi la.

Josué 6:14

Asin e da volta di prasa un bias na sugundu dia, e riba pa kampamentu. Asin ke fasi duranti seis dia.

Josué 6:2

SIÑOR fala Josué: “Jubi, N ntrega Jerikó na bu mon, ku si rei, ku si omis di gera.

Josué 6:4

Ranja seti saserdoti pa e yanda dianti di arka, ku kornetas di cifri di karnel. Na setimu dia, bo na da volta di prasa seti bias, nkuantu saserdotis na toka korneta.

Josué 6:7

I da ordi pa si tropas pa e kumsa janan da volta di prasa, ku guarda yarmadu dianti di arka di SIÑOR.