Josué 6:27 - BIBLIA - traduson antigu in Krioulo

²⁷ Fama di Josué laga pa tudu parti di tera, pabia SIÑOR staba ku el.

Josué 6:27 ပူးပေါင်းရင်းမြစ်များ

Kumsada 39:21

SIÑOR staba ku el, i mostral si bondadi, i dal fabur dianti di ŝef di kalabus.

2 Samuel 7:9

N staba ku bo na tudu kau ku bu yanda, N bai bu dianti, N kaba ku bu inimigus. N na fasi bu nomi pa i kunsidu, suma nomi di jinti mas garandi na mundu.

1 Kronikas 14:17

Asin fama di Davi laga na tudu ki teras; SIÑOR pui tudu ki nasons pa e medi Davi.

Ester 9:4

Mardokeu seduba algin garandi na kasa di rei. Si fama laga pa tudu pruvinsias; si puder na torna kada bias mas garandi.

Mateus 14:1

Na ki tempu rei Erodis obi fama di Jesus,

Mateus 18:20

pabia, nunde ku dus o tris junta na ña nomi, N na sta na se metadi.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Mateus 4:24

Fama di Jesus laga pa tudu ladu na Siria; jinti ta tisil tudu kilis ku na sufri di manga di koldadi duensa ku sufrimentu, kilis ku tene spiritus mau, kilis ku ta da ataki ku kilis ku ka pudi bulbuli kurpu. Jesus kura elis.

Ripitison di Lei 31:6

Bo sedu forti, bo ten koraẑen; ka bo ten medu nin ka bo panta se dianti, pabia SIÑOR bo Deus, i el ku na bai ku bos. I ka na disa bos nin i ka na bandona bos.”

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

2 Timótiu 4:22

Siñor ta sta ku bu spiritu. Fabur di Deus ta sta ku bos tudu.

Josué 1:5

Ningin ka na firma bu dianti kontra bo na tudu dias di bu vida. Suma ku N staba ku Moisés, asin ku N na sta ku bo. N ka na disau, nin N ka na bandonau.

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Josué 9:1

Oca noba de kusas ciga na oreja di reis ku staba na ladu di Jordon pa kaida di sol, na montañas, na kau mas rasu, ku tudu parti lungu di Mar Mediteraneu te na Líbanu (reis di eteus, amoreus, kananeus, perizeus, eveus ku jebuseus),

Josué 9:3

Tudu jinti di Jibeon obi ke ku Josué fasi Jerikó ku Ai.

Josué 9:9

E ruspundil: “Bu servus bin di un tera lunju pabia di nomi di SIÑOR bu Deus, pabia no obi si fama, ku tudu kusa ki fasi na Ejitu,

Ŝefis 1:19

SIÑOR staba ku pobu di Judá; e tira tudu moraduris di montañas, ma e ka tira moraduris di kobon, pabia kilas e teneba karus di feru.

1 Samuel 18:14

Tudu ki ta fasiba ta kuri diritu, pabia SIÑOR staba ku el.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.