Josué 24:17 - BIBLIA - traduson antigu in Krioulo

¹⁷ SIÑOR i no Deus, i el ku fasinu, juntu ku no papes, sai na katiberasku na tera di Ejitu. El ku fasinu ki garandi sinalis dianti di no uju, i guardanu na tudu kamiñu ku no yanda nel, na metadi di tudu pobu ku no pasa.

Josué 24:17 ပူးပေါင်းရင်းမြစ်များ

2 Kronikas 13:10

“Ma suma nos, SIÑOR i no Deus; nunka no ka disal. Saserdotis ku ta sirbi dianti di SIÑOR i fijus di Aron; levitas ta juda elis na tarbaju.

Saida 13:14

“Ora ku bu fiju bin puntau: ‘Es i ke?’ bu ta falal: ‘SIÑOR tiranu ku mon forti na Ejitu, ocanu na katiberasku.

Saida 13:3

Moisés fala pobu: “Bo ba ta lembra de dia ku bo sai na Ejitu, na katiberasku, pabia SIÑOR tira bos di li ku mon forti. Pa kila, ka bo kume pon ku fermentu.

Saida 19:4

‘Abos bo oja ke ku N fasi ku ejipsius, bo oja tambi manera ku N leba bos suma ku agia ta leba si fijus na asas, N tisi bos li pa mi.

Isaias 46:4

Te na bo bejisa, ami N ka na muda; N na toma konta di bos tok bo tene kabelu branku. I ami ku kumpu bos, ami tambi ku na leba bos, N na toma konta di bos, N na guarda bos suguru.

Ripitison di Lei 29:2

Moisés coma tudu Israel, i fala elis: Bo oja ku bo uju tudu kil ku SIÑOR fasi Faraó na tera di Ejitu, ku tudu si ŝefis ku tudu si tera.

Ripitison di Lei 32:9

Si propi pobu pertensi SIÑOR; i kuji Jakó pa si yardansa.

Ripitison di Lei 7:19

Bu oja ki garandi kastigu ku bu uju, ku milagris ku kusas garandi ku SIÑOR fasi, manera ki distindi si mon forti i tirau. Asin ku SIÑOR bu Deus na fasi tudu ki rasas ku bu na sinti medu delis.

Josué 24:16

Pobu ruspundi e fala: “Lunju di nos pa no bandona SIÑOR pa no bai sirbi utru deusis!

Josué 24:18

SIÑOR serka dianti di nos tudu e jinti, tudu ku amoreus ku moraba ne tera; anos tambi no na sirbi SIÑOR pabia i no Deus.”