Josué 24:15 - BIBLIA - traduson antigu in Krioulo

¹⁵ Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

Josué 24:15 ပူးပေါင်းရင်းမြစ်များ

Kumsada 18:19

N kujil pa i pudi da ordi pa si fijus ku si familia dipus del, pa e yanda na kamiñu di SIÑOR, e fasi kil ki diritu i bon, pa SIÑOR pudi fasi pa Abraon kil ki fala i na fasi.”

Kumsada 35:2

Jakó fala si familia ku tudu kilis ku staba ku el: “Bo tira deusis strañu ku sta na bo metadi. Bo purifika, bo torkia bo ropa.

1 Reis 18:21

Elias bai ciga pertu di tudu pobu, i punta elis: “Kal dia ku bo na para mankusa na metadi di dus pensamentu? Si i SIÑOR ki Deus, bo bai si tras; si i Baal, bo bai tras del.” Jinti ka ruspundil nin po nin pedra.

1 Kronikas 1:14

ku jebuseus, amoreus, jirgaseus,

Salmus 101:2

N na pui sintidu pa yanda na un manera pirfitu, ku jiresa; kal tempu ku bu na bin pa mi? N na yanda na ña kasa ku korson puru.

Salmus 119:106

N jurmenta, N konfirma kuma N ten ku obdisi bu leis justu.

Saida 23:2

“Ka bu pega tras di maioria pa fasi mal. Si bu na da tustumuñu na tribunal, ka bu toma parti ku maioria ku na konta mintida, pa justisa pudi sai tortu.

Saida 23:24

Ka bu mpina dianti di se deusis, nin ka bu adora elis; ka bu pratika se kustumus, ma bu na dana elis tudu, bu na kebra tudu se idulus sagradu.

Saida 34:15

“Toma sintidu pa ka fasi kontratu ku kilis ku mora na ki tera, pabia ora ke na bai tras di manga di deus pa fasi sirmonia pa elis, e pudi bin kumbidau; bu pudi bai kume kumida di sirmonia.

Ezekiel 20:39

“‘Ami, SIÑOR Deus, N fala bos, pobu di Israel: Bo bai; kada un di bos i ta bai sirbi si idulus, pabia bo ka misti obin, ma mas tardi bo ka na torna dana ña nomi sagradu ku bo ofertas ku idulus.

Daniel 3:18

ma nin si i ka libranu, Ñu Rei pudi sibi kuma no ka na sirbi bu deusis, nin no ka na adora ki statua di uru ku bu lantanda.”

Sirmonias 14:42

Dipus e na toma utru pedras, e pui na lugar di ki pedras ku tiradu. E na toma nobu lama, e roboka kasa.

Mikeias 4:5

Tudu nasons na yanda, kada un na nomi di si deus, ma anos, no na yanda na nomi di SIÑOR no Deus, pa tudu sempri.

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Ripitison di Lei 13:7

deusis di jinti ku sta na bo roda, pertu o lunju, di un ladu di tera pa utru),

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Josué 24:16

Pobu ruspundi e fala: “Lunju di nos pa no bandona SIÑOR pa no bai sirbi utru deusis!

Ŝefis 6:10

N fala bos: ‘Ami N sedu SIÑOR bo Deus; bo ka dibi di adora deusis di amoreus, ku bo fika na se tera.’ Ma bo ka seta obi ña ordi.”