Josué 23:7 - BIBLIA - traduson antigu in Krioulo

⁷ Ka bo junta ku e nasons ku sobra inda na bo metadi; ka bo coma nomis di se deusis, nin ka bo jurmenta nelis; ka bo sirbi elis, nin mpina se dianti,

Josué 23:7 ပူးပေါင်းရင်းမြစ်များ

2 Reis 17:12

SIÑOR falaba pa ka e adora idulus, ma e bai na adora elis.

2 Reis 5:18

ma SIÑOR ta purdan nes un kusa: Ora ku ña mestre yentra na baloba di Rimon pa bai adoral, si i na ngosta na ña mon, ami tambi N ten ku mpina na kasa di Rimon. SIÑOR ta purdan ne kusa.”

2 Kronikas 7:19

Ma si abo ku bu familia disvia, bo para obdisi ña leis ku mandamentus ku N da bos, bo bai sirbi utru deusis, bo mpina se dianti,

Salmus 16:4

Kilis ku bai tras di utru deusis e na buri tristesa riba di se kabesa. Ami, N ka na darma ofertas di sangi, nin ña boka ka na coma se nomis.

Saida 20:5

Ka bu mpina pa elis, nin ka bu adora elis, pabia ami i SIÑOR bu Deus, ku ta ten siumi. Kilis ku ta odian, N ta kastiga se maldadi riba di se fijus, netus, ku bisnetus,

Saida 23:13

“Pui sintidu pa fasi tudu ku N falau. Ka bu coma nomis di utru deusis, nin ka bu lembra delis.

Saida 23:33

Ka bu disa elis pa e mora na bu tera, pa ka e bin fasiu peka kontra mi. Si bu adora se deusis, i na sedu un armadilia pa bo.”

Ditus 4:14

Ka bu yanda na kamiñu di jinti ku ka kunsi Deus; ka bu sigi isemplu di jinti mau.

Jeremias 12:16

Si e pui sintidu pa risibi nsinamentu di kamiñus di ña pobu, pa e coma ña nomi, e fala: ‘N jurmenta pa vida di SIÑOR’ — suma e nsinaba ña pobu pa e jurmenta pa Baal — asin e ta sedu firmantadu na metadi di ña pobu.

Jeremias 5:7

“Kuma ku N pudi purdau? Bu fijus e disan, e ta jurmenta na nomi di kilis ku ka sedu deusis. N da elis tudu ke pirsisa, ma e bai fasi pekadu seksual; e bai junta na grupu na kasa di minjeris di mau vida.

Oseias 2:17

N na tira nomis di Baalis na si boka; se nomis ka na comadu mas.

Sofonias 1:5

Tambi N na kaba ku kilis ku ta bai riba di kasa pa adora sol, lua ku strelas, ku kilis ku ta adora SIÑOR, e jurmenta na si nomi, ma tambi e ta jurmenta pa Milkon, deus di amonitas.

Numerus 32:38

Nebu, Baal-Meon ku Sibma. E muda nomi di ki prasas, e pui utru nomis.

Numerus 33:55

“Ma si bo ka tira ki moraduris di tera, kilis ku bo disa pa e fika e na sedu suma puera na bo uju, suma fididas na bo pontada. E na bin kansa bos na tera nunde ku bo sinta.

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

Efésius 5:11

Ka bo toma parti na obras di sukuru ku ka ten purbitu, ma bo pui ki obras na lus.

Ripitison di Lei 10:20

Rispita SIÑOR bu Deus; el son ku bu na ciga pa el, bu sirbil; son na si nomi ku bu na jurmenta.

Ripitison di Lei 6:13

Rispita SIÑOR bu Deus; el son ku bu na sirbi; na si nomi ku bu na jurmenta.

Ripitison di Lei 6:14

Ka bu bai tras di utru deusis, ki deusis di nasons ku sta na bu volta,

Josué 23:12

“Si bo da SIÑOR kosta, bo junta ku restu de nasons ku fika na bo metadi, si bo kasa ku elis, bo fasi sos ku elis,

Josué 23:8

ma bo pega SIÑOR bo Deus, suma ku bo fasi te aos.