Josué 23:15 - BIBLIA - traduson antigu in Krioulo

¹⁵ Manera ki kumpri tudu ki bon kusas ki fala bos, asin tambi ku SIÑOR bo Deus na kumpri si ameasas, tok i kaba ku bos ne bon tera ki da bos.

Josué 23:15 ပူးပေါင်းရင်းမြစ်များ

1 Reis 14:15

SIÑOR na kastiga israelitas tok e tirmi suma po di kana na yagu. I na tira pobu di Israel ne bon tera ki da se papes di antigu, i na pajiga elis te na utru ladu di riu Eufrates. Manera ke kumpu idulus di deus femia Aserá, e lantanda raiba di SIÑOR.

1 Reis 8:56

“No ngaba SIÑOR ku da diskansu pa si pobu Israel, konformi tudu ki falaba. Nin un palabra ka maina di tudu bon purmesas ki fasi na boka di si servu Moisés.

Isaias 24:6

E ku manda maldison na nguli tera; si moraduris na paga pa se kulpa. E na kemadu; pukus ku na sobra.

Jeremias 32:24

“Jubi rampas di kamba! Tropas bin ja kontra prasa pa tomal. Pabia di spada, fomi ku duensa, prasa sta ja ntregadu na mon di tropas di Babilonia ku na geria kontra el. Kusa ku bu fala i sedu ja, suma ku bu na oja.

Jeremias 32:42

“Ami, SIÑOR, N fala: Suma ku N tisi e garandi mal riba de pobu, asin ku N na pui kusas kuri elis diritu, suma ku N fala.

Jeremias 35:17

“Pabia di kila, ami, SIÑOR Deus ku ten tudu puder, Deus di Israel, N fala: Jubi, N na tisi riba di Judá ku tudu moraduris di Jerusalen tudu mal ku N fala kontra elis. N papia ku elis, e ka obdisin; N coma elis, e ka kudin.”

Sirmonias 26:3

“Si bo yanda na ña regras, bo rispita ña mandamentus, bo obdisi elis,

1 Tesalonisensis 2:16

E ta misti tujinu konta jintius palabra ku pudi salba elis. Tudu e tempu e na kompletaba midida di se pekadu, ma gosi raiba di Deus kai ja riba delis.

Ŝefis 13:1

Fijus di Israel torna fasi mal dianti di uju di SIÑOR. SIÑOR ntrega elis na mon di filisteus pa korenta anu.

Ŝefis 3:12

Fijus di Israel torna fasi mal dianti di uju di SIÑOR. Pabia de kusa, SIÑOR da Eglon, rei di moabitas, forsa kontra Israel.

Ŝefis 3:8

Asin SIÑOR paña raiba delis, i ntrega elis na mon di Kusan-Risatain, rei di Mesopotamia. Fijus di Israel e bin sirbi ki rei duranti oitu anu.

Ŝefis 6:1

Fijus di Israel torna na fasi mal dianti di SIÑOR. SIÑOR ntrega elis na mon di midianitas pa seti anu.