Josué 22:20 - BIBLIA - traduson antigu in Krioulo

²⁰ Nta Akan, fiju di Zerá, i ka peka na ki kusa ku separadu pa Deus? Raiba ka bin riba di tudu juntamentu di Israel? Asin, i ka son el ku muri pabia di si pekadu.’ ”

Josué 22:20 ပူးပေါင်းရင်းမြစ်များ

2 Kronikas 24:18

E disa kasa di SIÑOR, Deus di se papes, e bai adora idulus di Aserá ku utru imaẑens. Pabia di se kulpa, raiba garandi bin riba di Judá ku Jerusalen.

Jo 35:8

I utru omis suma bo ku ta sufri di bu pekadu; elis tambi e ta purbita si bu fasi diritu.

Sirmonias 10:6

Moisés fala Aron ku si fijus Eleazar ku Itamar: “Ka bo fika dispintiadu nin ka bo rumpi bo ropa, pa ka bo muri, nin pa raiba garandi ka bin riba di tudu pobu. Bo ermons, tudu pobu di Israel, pudi cora pa kilis ku SIÑOR mata ku fugu.

1 Koríntius 10:6

Agora tudu e kusas sedu pa avisanu pa ka no kubisa kusas mau suma elis.

Josué 22:21

Fijus di Ruben, fijus di Gad ku metadi di jorson di Manasés, e ruspundi e fala ŝefis di familias di Israel:

Josué 7:1

Fijus di Israel bin kebra ki lei ku Deus pui pa dana tudu ku staba na Jerikó. Akan, fiju di Karmi, fiju di Zabdi, fiju di Zerá, di jorson di Judá, i toma utru kusas pruibidu. Raiba di SIÑOR yardi kontra fijus di Israel.

Josué 7:18

I fasi ki kasa pa i bin omi pa omi; i mostradu Akan, fiju di Karmi, fiju di Zabdi, fiju di Zerá, di jorson di Judá.

Josué 7:24

Dipus Josué ku tudu Israel toma Akan, fiju di Zerá, ku ki prata, ku kapa, ku bloku di uru, si fijus macu ku femia, si bakas, si burus, si karnel, si tenda, ku tudu kusas ki teneba, e leba elis pa kobon di Akor.

Josué 7:5

ku ngaña elis, e mata serka di trinta i seis omi, e serka elis desdi porton di tabanka te na mina di pedra, e mata elis na riada. Korson di pobu ribi, i torna suma yagu.

2 Pedru 2:6

I kondena prasas di Sodoma ku Gomora pa stragu kompletu; i bidanta elis sinsa; i fasi elis isemplu pa kilis ku ka ta mporta ku Deus.