Josué 22:18 - BIBLIA - traduson antigu in Krioulo

¹⁸ Aos bo na bandona SIÑOR! Si bo lanta kontra SIÑOR aos, amaña i na raiba kontra tudu juntamentu di Israel.

Josué 22:18 ပူးပေါင်းရင်းမြစ်များ

2 Samuel 24:1

Raiba di SIÑOR torna sindi kontra Israel. Satanas cuci Davi pa i fasi konta di Israel ku Judá; asin i tisi mal kontra elis.

1 Reis 9:6

“Ma si abos o bo fijus bo lunjusi di mi, bo ka obdisi ña mandamentus ku leis ku N da bos, ma bo bai adora utru deusis, bo mpina se dianti,

2 Reis 17:21

Oca ki tira Israel na mon di rei di jorson di Davi, e pui Jeroboan, fiju di Nebat, pa i sedu rei. Jeroboan separa Israel ku Judá, pa e ka sigi SIÑOR; i pui elis pa e fasi un pekadu garandi.

1 Kronikas 21:1

Satanas lanta kontra Israel, i cuci Davi pa i fasi resensiamentu.

1 Kronikas 21:14

Asin SIÑOR manda duensa meduñu riba di Israel, tok setenta mil jinti muri.

2 Kronikas 25:27

Disna ku Amazias disvia di SIÑOR, i tenba jinti ku na filanta pa matal. I bin kuri pa Lakís, ma e manda jinti si tras; e bai matal la na Lakís.

2 Kronikas 34:33

Josias tira tudu idulus nujenti di tudu tera ku pertensiba fijus di Israel; i pui tudu jinti ku staba na Israel pa e sirbi SIÑOR se Deus. Duranti tudu si vida e ka para yanda ku SIÑOR, Deus di se papes.

Sirmonias 10:6

Moisés fala Aron ku si fijus Eleazar ku Itamar: “Ka bo fika dispintiadu nin ka bo rumpi bo ropa, pa ka bo muri, nin pa raiba garandi ka bin riba di tudu pobu. Bo ermons, tudu pobu di Israel, pudi cora pa kilis ku SIÑOR mata ku fugu.

Numerus 16:22

Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Numerus 32:15

Si bo nega sigil, i na disa elis utru bias na lala, ma i abos ku na sedu responsavel pa mortu di tudu e jinti.”

Ripitison di Lei 7:4

pabia e ta disvianta bu fijus di mi, e leba elis pa e sirbi utru deusis. Asin, raiba di SIÑOR i ta sindi kontra bos, i ta kaba ku bos kinti-kinti.

Josué 22:15

Oca ke ciga juntu di rubenitas, gaditas ku metadi di jorson di Manasés, na tera di Jilead, e fala elis:

Josué 22:16

“Tudu juntamentu di SIÑOR na punta bos: ‘Es i kal pekadu ku bo fasi kontra Deus di Israel, pa aos bo disa di sigi SIÑOR, bo kumpu un altar? Asin bo lanta kontra el.

Josué 22:20

Nta Akan, fiju di Zerá, i ka peka na ki kusa ku separadu pa Deus? Raiba ka bin riba di tudu juntamentu di Israel? Asin, i ka son el ku muri pabia di si pekadu.’ ”

Josué 7:1

Fijus di Israel bin kebra ki lei ku Deus pui pa dana tudu ku staba na Jerikó. Akan, fiju di Karmi, fiju di Zabdi, fiju di Zerá, di jorson di Judá, i toma utru kusas pruibidu. Raiba di SIÑOR yardi kontra fijus di Israel.

Josué 7:11

Israelitas peka, e kebra kontratu ku N da elis pa e guarda. E toma utru kusas pruibidu, e furta, e konta mintida, e pul bas di se propi kusas.

Josué 7:21

Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”

1 Samuel 12:14

Si bo rispita SIÑOR, bo adoral, bo obdisi si palabra, bo ka sedu rebeldi pa si ordi, abos tudu ku rei ku na rena riba di bos bo sigi SIÑOR bo Deus, i ta sedu bon,

1 Samuel 12:20

Samuel fala pobu: “Ka bo ten medu. Na bardadi bo fasi tudu e mal, ma ka bo disa SIÑOR. Bo sirbi SIÑOR ku tudu bo korson.