Josué 2:6 - BIBLIA - traduson antigu in Krioulo

⁶ Ma i fasiba ja elis subi riba di kasa, i sukundi elis na metadi di kanas di liñu ki puiba na ordi la.

Josué 2:6 ပူးပေါင်းရင်းမြစ်များ

2 Samuel 11:2

Un dia di tardi, oca Davi lanta na kama, i na pasia-pasia riba di palasiu. Di la i oja un minjer ku na lababa kurpu. Ki minjer i bonitu ba dimas.

2 Samuel 17:19

Minjer di ki omi toma tampu, i distindil na boka di ki koba, i seka garan riba del. Asin ningin ka sibi nada.

1 Reis 18:13

Talves jinti ka konta Ñu ke ku N fasi, oca ku Jezabel na mataba anunsiaduris di SIÑOR, manera ku N sukundi sen delis, sinkuenta sinkuenta, na dus kaverna, N sustenta elis ku kumida ku yagu.

1 Reis 18:4

Oca ku Jezabel na mataba anunsiaduris di SIÑOR, Obadias toma sen delis, i dividi elis sinkuenta sinkuenta, i sukundi elis na dus kaverna, i sustenta elis ku kumida ku yagu.

2 Reis 11:2

ma Jeoseba, fiju di rei Jeoran, irma di Akazias, i toma Joás, fiju di Akazias, i tiral na metadi di fijus di rei ku na mataduba, i pul na un kuartu juntu ku minjer ku ta tomaba konta del, i sukundil di Atâlia; asin e ka matal.

Saida 2:2

Minjer bin preña, i padi un fiju. Suma ki ojal i bonitu, i sukundil te tris mis.

Jeremias 36:26

Rei da ordi pa Jerameel, fiju di Amelek, Seraias, fiju di Azriel, ku Selemias, fiju di Abdeel, pa e bai prindi ki sekretariu Baruk ku anunsiadur Jeremias, ma SIÑOR sukundiba elis.

Mateus 24:17

Kin ku sta riba di kankra pa ka i ria dentru di kasa pa toma un kusa di la.

Ripitison di Lei 22:8

Ora ku bu kumpu kasa nobu, bu ten ku taja kankra na roda, pa ka bu tisi kulpa di darmamentu di sangi riba di bu kasa si algin kapli la i kai.

Kolosensis 3:3

pabia bo muri; bo vida sta sukundidu ku Kristu na Deus.

Ebreus 11:23

Oca ku Moisés padidu, i fe ku pui si papes sukundil tris mis, pabia e oja kuma i seduba mininu bonitu. E ka medi ordi di rei.

Tiagu 2:25

Asin tambi ki sedu ku ki minjer di mau vida, Raab. I ojadu justu pabia di kil ki fasi, oca i risibi ki spions na si kasa, i fusinti elis na utru kamiñu.

Josué 2:5

Oca kau na sukuru, i ciga ora di fica porton di prasa, ki omis sai. N ka sibi pa nunde ke bai. Bo janti se tras, bo na paña elis.”

Josué 2:7

Asin ki omis di Jerikó bai se tras na kamiñu di Jordon pa buska elis, te na kambansa. E kaba sai son, porton ficadu.

Josué 2:8

Antis di ki spions durmi, minjer subi pa elis riba di kasa,

Josué 6:25

Josué salba vida di ki minjer di mau nomi, Raab, ku familia di si pape, ku tudu si parentis, pabia i sukundiba ki omis ku Josué manda pa e bai jubi Jerikó. I sinta na metadi di Israel te aos.