Josué 2:3 - BIBLIA - traduson antigu in Krioulo

³ Asin rei di Jerikó manda rekadu pa Raab, i falal: “Tira fora ki omis ku bin pa bo, e yentra na bu kasa, pabia e bin pa spia tudu tera.”

Josué 2:3 ပူးပေါင်းရင်းမြစ်များ

Kumsada 38:24

Dipus di kuas tris mis, algin bin konta Judá: “Ala Tamar, minjer di bu fiju, i fasi suma minjer di mau vida. Gosi i preña.” Judá fala: “Bo tiral fora pa i kemadu.”

Kumsada 42:31

No falal: ‘No sedu omis ku ta yanda na kamiñu diritu; no ka sedu spions.

2 Samuel 10:3

ŝefis di amonitas punta se mestre Anun: “Bu kuda kuma i pabia di rispitu pa bu pape ku Davi manda falau manteña? Nta i ka manda nan elis pa e bin spia e prasa, pa kunsil, pa jubi manera di tomal?”

2 Samuel 17:20

Oca ku omis di Absalon ciga na ki kasa, e punta minjer: “Nunde ku Aimaaz ku Jonatas sta nel?” Minjer fala elis: “E kamba ja ki riusiñu.” Dipus ke buska elis, e ka oja, e riba pa Jerusalen.

1 Kronikas 19:3

ŝefis di amonitas punta Anun: “Bu kuda kuma Davi misti mostra rispitu pa bu pape manera ki manda jinti pa e bin falau manteña? Nta e ka bin nan pa bo pa jubi kuma ku tera sta, pa e pudi bin tomal?”

Jo 21:30

E ta fala kuma omi mau ta kapli na dia di kastigu, i ta libradu na dia di raiba.

Sirmonias 24:14

“Ki algin ku papia mal, tiral fora di kampamentu. Tudu kilis ku obil e na pui se mon riba di kabesa di ki algin; dipus, tudu juntamentu na dal ku pedra.

Bon Noba di Jesus Kristu ku Jon 19:4

Pilatus torna sai pa fora, i fala elis: “Ali N tisi bos el fora, pa bo sibi kuma N ka oja nin un kulpa nel.”

Atus 12:4

Oca ki prindil, i fical na kalabus, i ntregal na mon di kuatru grupu di kuatru soldadu pa e guardal. I mistiba pursental dianti di pobu dipus di festival di Paskua.

Atus 12:6

Na noti ku Erodis na mansiba pa pursental dianti di pobu, na ki mesmu noti, Pedru na durmiba na metadi di dus soldadu, maradu ku dus korenti; guardas staba dianti di porta, e na guarda kalabus.

Josué 10:23

Asin e tira ki sinku rei na koba, ku sedu reis di Jerusalen, Ebron, Jarmut, Lakís ku Eglon.

Josué 2:2

Jinti da rei di Jerikó noba, e falal: “Jubi, e di noti i bin li utru omis di fijus di Israel pa pudi spia tera.”

Josué 2:4

Ma ki minjer lebaba ja ki dus omi, i sukundi elis. Asin i fala: “I bardadi, omis bin pa mi, ma ami N ka sibiba si elis i di nunde.

Ŝefis 4:20

Sísera falal: “Firma na porta di tenda. Si algin bin punta si algin sta li, bu ta falal: ‘Nau.’ ”