Josué 2:19 - BIBLIA - traduson antigu in Krioulo

¹⁹ Si kualker algin sai fora di porta di bu kasa, si i muri, kulpa na sedu di sil; anos no ka na ten kulpa, ma kualker algin ku sta ku bo na kasa, si algin pui mon riba del, kulpa na sedu di nos.

Josué 2:19 ပူးပေါင်းရင်းမြစ်များ

2 Samuel 1:16

Davi falal: “Abo bu ranja mortu pa bu kabesa, pabia i bu boka propi ku kondenau oca bu fala kuma bu mata unjidu di SIÑOR.”

2 Samuel 4:11

Ku fadi gora omis malvadu ku mata un omi inosenti riba di si kama na si propi kasa! Nta N ka dibi di torna vingansa na bos pa ki sangi ku bo darma, pa N kaba ku bos na mundu?”

1 Reis 2:32

Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.

Saida 12:13

Ki sangi na sedu sinal pa bos na kasas ku bo sta nel; ora ku N oja sangi, N na pasa riba di bos. Ki praga di mortundadi ka na toka bos ora ku N mata jinti na tera di Ejitu.

Saida 12:22

Dipus, i ta toma un maradura di isopi, i mojal na sangi ku sta na basia, i untal na dus ladu di porta ku riba. Nin un di bos ka dibi di sai na porta di si kasa te parmaña.

Saida 12:23

Ora ku SIÑOR pasa pa mata ejipsius, i na oja sangi na dus ladu di porta ku la riba, i na pasa riba di ki porta, i ka na disa ki matadur yentra na bo kasas pa mata bos.

Sirmonias 20:11

Si un omi dita ku minjer di si pape, i tisi borgoña riba di si pape. Elis tudu dus e na matadu; se sangi na sta riba di se kabesa.

Sirmonias 20:9

“Si un algin maldisua si pape o si mame, i ten ku matadu; suma ki fasi asin, si sangi na sta riba di si kabesa.

Mateus 24:17

Kin ku sta riba di kankra pa ka i ria dentru di kasa pa toma un kusa di la.

Atus 18:6

Suma elis e nega, e na kobalba, i sakudi si ropa, i fala elis: “Bo sangi na sta riba di bo kabesa. N sta limpu. Gosi N na bai pa jintius.”

Atus 20:26

E ku manda, dia di aos, N diklara bos kuma, si un di bos pirdi, ami i ka kulpadu,

Atus 27:31

Paulu fala kapiton Júliu ku soldadus: “Si e mariñerus ka fika na barku, bo ka na pudi salba.”

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Josué 2:12

Gosi, N pidi bos pa bo jurmenta pa mi, na nomi di SIÑOR, kuma bo na fasi bondadi pa ña familia suma ku N fasi bondadi pa bos. Asin, bo dan un sinal sertu

Josué 2:14

Ki omis ruspundi e falal: “No vida na da konta pa bo vida! Si bo ka konta ke ku no na fasi, ora ku SIÑOR danu e tera no na sedu bon i fiel pa bo.”

Josué 2:20

Ma si bu konta ke ku no na fasi, no na fika libri di ki juramentu ku bu fasinu jurmenta.”