Josué 13:16 - BIBLIA - traduson antigu in Krioulo

¹⁶ Se tera bai desdi Aroer, ku sta lungu di kobon di Arnon, ku ki prasa na metadi di kobon, tudu ki kau rasu te na Medeba,

Josué 13:16 ပူးပေါင်းရင်းမြစ်များ

2 Samuel 24:5

E kamba Jordon, e pui se kampamentu na Aroer, na kobon di Gad na ladu di sul di prasa, e pasa pa Jazer,

1 Kronikas 19:7

E luga trinta i dus mil karu ku bin, juntu ku rei di Maaka ku si tropas, e kampa lungu di Medeba. Amonitas tambi e sai na se prasas, e junta, e bai pa gera.

Isaias 15:4

Jinti di Esbon ku Elealé e na yanda e na grita; se vos na obidu te na Jaaz. Pabia di kila, tropas yarmadu di Moab e na grita, e na tirmi dentru delis.

Numerus 21:26

Esbon i seduba prasa di Sion, rei di amoreus, ku geriaba kontra antigu rei di Moab, i tomal tudu si tera te na riu Arnon.

Ripitison di Lei 3:12

N rapati tera ku no toma na ki tempu, N da rubenitas ku gaditas ki parti desdi Aroer, ku sta lungu di kobon di Arnon, ku metadi di reẑion di montañas di Jilead, ku tudu si prasas.

Josué 12:2

E mata Sion, rei di amoreus, ku moraba na Esbon. I ta mandaba desdi Aroer na ladu di kobon di Arnon, tambi desdi metadi di kobon te na riusiñu di Jabok, ku sedu frontera di fijus di Amon. Metadi di tera di Jilead staba dentru di ki con.

Josué 13:15

Moisés da tera pa jorson di Ruben, konformi se familias.

Josué 13:17

Esbon ku tudu si prasas na planaltu, ku sedu Dibon, Bamot-Baal, Bet-Baal-Meon,

Josué 13:9

Se tera bai di Aroer, ku sta lungu di kobon di Arnon, ku ki prasa ku sta na metadi di kobon, ku tudu kau rasu di Medeba te na Dibon;

Josué 14:3

pabia Moisés daba ja yardansa pa ki dus jorson ku metadi na utru banda di Jordon, ma i ka da levitas nin un yardansa na se metadi.

Josué 18:7

Levitas ka na tene parti na bo metadi, pabia se parti i pa sedu saserdotis di SIÑOR. Gad, Ruben ku metadi di jorson di Manasés toma ja se yardansa ku Moisés, servu di SIÑOR, da elis na ladu di saida di sol, na utru banda di Jordon.”

Ŝefis 11:26

Israel mora ja trizentus anu na Esbon ku Aroer ku se tabankas, tambi na tudu prasas ku sta lungu di Arnon. Pabia di ke ku bu ka tomal na ki tempu?

1 Samuel 30:28

Aroer, Sifmot, Estemoa,