Josué 11:8 - BIBLIA - traduson antigu in Krioulo

⁸ SIÑOR da elis na mon di israelitas, ku mata elis, e serka elis te na Garandi Sidon, tambi te na Misrefot-Main, te na kobon di Mizpá pa ladu di saida di sol. E mata elis tok e ka disa nin un son.

Josué 11:8 ပူးပေါင်းရင်းမြစ်များ

Kumsada 10:15

Kanaan padi Sidon ku sedu si purmeru fiju, ku Et,

Kumsada 49:13

“Zebulon na mora lungu di mar; si tera na sedu purtu di barkus; si frontera na bai te na Sidon.

2 Samuel 24:6

e bai pa Jilead, pa con di Tatin-Odsi, pa Dan Jaan; dipus, e da volta di Sidon.

Isaias 23:4

O prasa di Sidon, kau forti di mar, ba ta burguñu, pabia mar fala: “N ka teneba dur di partu, nin N ka padi, ku fadi pa N kria rapas ku bajuda.”

Zakarias 9:2

Tambi kondenason sta riba di Amat (ku junta frontera ku Adrak) ku Tiru ku Sidon, mesmu ke sedu jiru dimas.

Ripitison di Lei 7:2

Ora ku SIÑOR bu Deus ntrega elis na bu mon pa bu ngaña elis, bu ten ku mata elis tudu. Ka bu fasi kontratu ku elis, nin ka bu ten pena delis.

Ripitison di Lei 9:3

Ma aos bu pudi sibi sertu di kuma SIÑOR bu Deus na kamba bu dianti, suma fugu ku ta kaba ku tudu. I na kaba ku elis, i bati elis bu dianti. Asin bu na bota elis fora, bu na kaba ku elis kinti-kinti, suma ku SIÑOR falau.

Josué 10:20

Josué ku fijus di Israel kaba mata elis tudu. Son pukus ku sobra, e kapli pa prasas fortifikadu.

Josué 11:3

pa kananeus na ladu di saida di sol, ku kaida, pa amoreus, eteus, perizeus, jebuseus na montaña, tambi pa eveus lungu di montaña di Ermon na tera di Mizpá.

Josué 11:7

Josué ku tudu si tropas bai kinti-kinti, e ciga di repenti riba delis lungu di yagu di Meron.

Josué 13:6

“Ami N na tira fora, na fabur di fijus di Israel, tudu jinti ku mora na montañas, desdi Líbanu te na Misrefot-Main, ku sedu tudu jinti di Sidon. Abo bu na juga sorti pa rapati ki tera pa Israel pa i sedu se yardansa, suma ku N mandau disna.

Josué 19:28

I kontinua na Ebron, Reob, Amon ku Kaná, te na garandi Sidon.

Josué 21:44

SIÑOR da elis diskansu na tudu ladu, suma ki jurmentaba se papes di antigu. Di tudu se inimigus, ningin ka firma se dianti; SIÑOR ntrega elis tudu na se mon.