Josué 11:6 - BIBLIA - traduson antigu in Krioulo

⁶ SIÑOR fala Josué: “Ka bu ten medu se dianti, pabia amaña ne ora N na ntrega elis pa Israel, tudu mortu. Bu na pui se kabalus manku, bu na kema se karus ku fugu.”

Josué 11:6 ပူးပေါင်းရင်းမြစ်များ

2 Samuel 8:4

Davi toma na si mon mil i seizentus tropa di kabalu ku vinti mil tropa di pe. I korta nervus di pe di tudu kabalus di karu, fora di sen ki fika ku el.

2 Reis 6:16

Eliseu falal: “Ka bu medi, pabia kilis ku sta ku nos e mas ciu di ki kilis ku sta ku elis.”

2 Kronikas 20:16

Amaña bo na bai kontra elis. E na subi na ladu di monti di Ziz; bo na kontra ku elis na kabantada di kobon, dianti di lala di Jeruel.

Salmus 46:10

I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:9

I ta para gera na tudu ladu di mundu; i ta kebra mansasa, i sapa-sapa kañaku, i kema karus na fugu.

Ditus 20:7

Fijus na sortiadu si se pape sedu justu, i ta yanda na bardadi.

Isaias 30:16

Bo fala: “Nau, no na monta na kabalu, no kuri.” Asin, bardadi, bo na kuri. Bo fala: “No na monta kabalus ku ta kuri kinti-kinti, no bai.” Asin, kilis ku na bai bo tras, elis tambi e na kuri kinti-kinti.

Isaias 31:1

Koitadi di kilis ku ta bai buska ajuda na Ejitu, e fiansa na kabalus ku se manga di karu, ku se kabalerus manera ke sedu forti dimas, ma e ka na jubi pa Deus Santu di Israel, nin e ka na buska SIÑOR.

Ezekiel 39:9

“‘Kilis ku mora na prasas di Israel e na sai, e kuji ki material di gera pa kemal, ku sedu tajaderas garandi ku pikininu, mansasas ku fleŝas, pos forti di bati, ku kañakus. E na sindi se fugu ku el pa seti anu.

Oseias 14:3

Asiria ka pudi salbanu; no ka na monta kabalus di gera; no ka na torna fala un kusa ku no kumpu ku no mon: ‘Abo i no Deus’, pabia i na bo ku orfan ta oja miserikordia.”

Naun 2:13

SIÑOR ku ten tudu puder fala: “N sta kontra bo; N na kaba ku bu karus na fumu; spada na kaba ku bu fijus. N na tirau tudu ku bu paña di utru jinti. Vos di bu mbaŝaduris ka na obidu mas.”

Ripitison di Lei 7:16

Bu ten ku kaba ku tudu rasas ku SIÑOR bu Deus ntrega na bu mon; ka bu mostra pena pa elis, nin ka bu sirbi se deusis, pabia kila i ta sedu lastru pa bo.

Josué 10:8

SIÑOR fala Josué: “Ka bu ten medu delis, pabia N dau ja elis na bu mon; nin un delis ka na pudi firma bu dianti.”

Josué 11:5

Ki reis tudu e junta se forsa, e bai pui kampamentu lungu di yagu di Meron, pa geria kontra Israel.

Josué 11:7

Josué ku tudu si tropas bai kinti-kinti, e ciga di repenti riba delis lungu di yagu di Meron.

Josué 11:9

Josué fasi suma ku SIÑOR falal: i pui se kabalus manku, i kema se karus na fugu.

Josué 3:5

Josué fala pobu tambi: “Bo purifika bo kurpu, pabia amaña SIÑOR na fasi kusas garandi na bo metadi.”

Ŝefis 7:9

Na ki di noti SIÑOR fala Jidion: “Lanta, bu bai ataka ki kampamentu, pabia N dau el na bu mon.

1 Samuel 11:9

E fala jinti ku tisiba rekadu pa e bai konta omis di Jabes-Jilead: “Amaña ora ku sol na kinti, libramentu na bin pa bos.” Oca ki jinti bai konta rekadu, jinti di Jabes fika kontenti,