Josué 11:14 - BIBLIA - traduson antigu in Krioulo

¹⁴ Fijus di Israel toma tudu rikesas ku limarias di ki prasas, ma e mata tudu jinti ku spada, tok e kaba ku elis. E ka disa nada ku teneba folgu ku vida.

Josué 11:14 ပူးပေါင်းရင်းမြစ်များ

2 Kronikas 20:25

Oca ku Jeosafá ku si omis bai pa buska ke ke pudi oja pa leba, e oja manga di rikesa, ku ropa ku utru kusas di balur, ciu dimas pa e lebal tudu. E yurni kil ke pudi duranti tris dia.

Numerus 31:9

Fijus di Israel leba prezu minjeris midianita ku se mininus; tambi e leba tudu se bakas ku karnel ku tudu se rikesas.

Ripitison di Lei 20:14

Bu pudi toma minjeris, mininus ku limarias pa bo, ku tudu kusas ku sta na ki prasa. Usa rikesa di bu inimigus, ku SIÑOR bu Deus dau.

Ripitison di Lei 20:16

Na prasas di ki nasons ku SIÑOR bu Deus na dau pa bu yarda, bu ka na disa nada ku tene folgu ku vida.

Josué 10:40

Asin Josué toma tudu ki tera, montañas, ladu di sul, bulañas, riadas di yagu, ku tudu se reis. I ka disa nada ku vida; tudu ku teneba folgu, i kaba ku el, suma ku SIÑOR Deus di Israel manda.

Josué 11:11

E toma spada, e mata tudu jinti ku staba la; nin e ka disa nada ku teneba folgu; Josué kema Azor ku fugu.

Josué 11:13

Israelitas ka kema prasas ku staba riba di se montis pikininu; son prasa di Azor ku Josué kema.

Josué 11:15

Suma ku SIÑOR da ordi pa si servu Moisés, asin ku Moisés da ki ordi pa Josué; Josué kumpril. I ka disa nada ku ka fasidu di tudu kil ku SIÑOR manda Moisés.

Josué 8:2

Bu na fasi Ai ku si rei suma ku bu fasi Jerikó ku si rei, ma e bias bo pudi toma se rikesa ku se limarias. Pui utru tropas pa e bai sukundi tras di prasa.”

Josué 8:27

ma Israel toma limarias ku rikesas di prasa, suma ku SIÑOR fala oca ki da Josué ordi.