Josué 10:20 - BIBLIA - traduson antigu in Krioulo

²⁰ Josué ku fijus di Israel kaba mata elis tudu. Son pukus ku sobra, e kapli pa prasas fortifikadu.

Josué 10:20 ပူးပေါင်းရင်းမြစ်များ

2 Samuel 20:6

Rei fala Abisai: “Gosi Seba, fiju di Bikri, i na danu mas kansera di ki Absalon! Leba ña guardas, bu bai si tras, pa i ka bin toma konta di utru prasas forti, i kaplinu.”

1 Reis 20:21

Rei di Israel bai, i paña kabalus ku karus, i mata jinti di Siria, i fasi garandi danu.

2 Kronikas 13:17

Abias ku si tropas fasi garandi danu na se metadi, pabia kiñentus mil omi forti di Israel e matadu.

Jeremias 4:5

Bo anunsia na Judá, bo pui pa Jerusalen obi, bo fala: “Bo toka korneta na tera!” Bo grita ku vos altu, bo fala: “Bo junta pa no yentra na prasas forti.”

Jeremias 8:14

Pobu na punta: “Ke ku manda no sinta li? Bo junta pa no yentra na prasas forti, pa no muri la, pabia SIÑOR no Deus i markanu pa no muri. I danu yagu di venenu pa no bibi, pabia no peka kontra el.

Ripitison di Lei 20:16

Na prasas di ki nasons ku SIÑOR bu Deus na dau pa bu yarda, bu ka na disa nada ku tene folgu ku vida.

Josué 10:10

SIÑOR pui elis na kunfuson dianti di Israel. Israel ngaña garandi vitoria riba delis na Jibeon, e serka elis na kamiñu ku ta bai pa Bet-Oron, e mata elis te Azeka ku Makeda.

Josué 10:19

ma ka bo para. Bo serka bo inimigus, bo ataka kilis ku fika tras. Ka bo disa elis yentra na se prasas, pabia SIÑOR bo Deus i ntrega elis ja na bo mon.”

Josué 10:21

Tudu tropas riba ku pas pa Josué, na kampamentu di Makeda. I ka tenba algin ku osa fala un palabra kontra fijus di Israel.

Josué 11:12

Josué toma tudu prasas di ki reis, i mata tudu se reis ku spada. I kaba ku elis tudu, suma ku Moisés, servu di SIÑOR, mandaba.

Josué 11:8

SIÑOR da elis na mon di israelitas, ku mata elis, e serka elis te na Garandi Sidon, tambi te na Misrefot-Main, te na kobon di Mizpá pa ladu di saida di sol. E mata elis tok e ka disa nin un son.

Josué 8:24

Oca Israelitas kaba mata tudu jinti di Ai na matu, na lala nunde ke serkaba elis tok e ciga, nunde ku tudu kaba muri di spada, tudu Israel riba pa Ai, e mata kilis ku fikaba la.