Josué 10:2 - BIBLIA - traduson antigu in Krioulo

² I fika spantadu, pabia Jibeon seduba prasa garandi, suma un di prasas ku teneba rei; inda i mas garandi di ki Ai; tudu si omis e bon ba na gera.

Josué 10:2 ပူးပေါင်းရင်းမြစ်များ

2 Samuel 12:26

Oca ki kusas na kontisi ku Davi, Joab na geriaba kontra Rabá, prasa di reis di fijus di Amon, i tomal.

Ditus 10:24

Kusa ku omi mau medi i na bin riba del, ma Deus na da algin justu ke ki misti.

Ripitison di Lei 11:25

Ningin ka na pudi firma bo dianti; SIÑOR bo Deus na pui jinti di tudu tera ku bo masa pe nel pa e panta, e tirmi bo dianti, suma ki fala ja bos.

Ripitison di Lei 2:25

Aos propi N na kumsa janan pui jinti di tudu nasons ku sta bas di seu pa e panta, e sinti medu pabia di bo. Kilis ku obi bu fama e na foronta, e tirmi bu dianti.”

Ripitison di Lei 28:10

Asin tudu nasons na mundu na oja kuma bu comadu pa nomi di SIÑOR, e na ten medu di bo.

Ebreus 10:27

ma son pa no pera, ku garandi medu, julgamentu ku fugu meduñu ku na kaba ku kilis ku sta kontra Deus.

Ebreus 10:31

I kusa meduñu pa kai na mon di Deus bibu!

Josué 2:24

E fala Josué: “Sin duvida SIÑOR da tudu ki tera na no mon; tudu jinti ku mora la, se korson na dismaja pabia di nos.”

Josué 9:24

E ruspundi Josué, e falal: “Bu servus kontadu klaru kuma SIÑOR bu Deus da ordi pa si servu Moisés pa i da bos tudu e tera, tambi pa i kaba ku tudu jinti de tera bo dianti. No medi ku no vida pabia di bos; e ku manda no fasi asin.

Josué 9:3

Tudu jinti di Jibeon obi ke ku Josué fasi Jerikó ku Ai.

1 Samuel 27:5

Davi fala Akis: “Si N oja fabur bu dianti, bu ta dan lugar na un di prasas di bu tera, pa N pudi mora la. Kuma ku bu servu pudi mora ku bo na prasa di rei?”