Josué 1:9 - BIBLIA - traduson antigu in Krioulo

⁹ Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Josué 1:9 ပူးပေါင်းရင်းမြစ်များ

Kumsada 28:15

Ami N sta ku bo, N na guardau pa nunde ku bu na bai. N na ribantau pa e tera, pabia N ka na disau, tok N fasi ke ku N falau.”

Kumsada 39:2

SIÑOR staba ku José; kusas kuril diritu. I fika na kasa di si dunu ejipsiu.

Kumsada 39:3

Si dunu oja kuma SIÑOR staba ku José, pabia tudu kil ki fasi, SIÑOR ta pui pa i kuril diritu.

2 Samuel 13:28

Absalon da ordi pa si rapasis, i fala elis: “Bo sta ku atenson! Ora ku Amnon caskia ja ku biñu, si N da bos ordi, bo ta matal. Ka bo ten medu. Nta i ka ami ku da ordi? Bo mara koraẑen, bo sedu omis!”

1 Kronikas 28:20

Davi fala si fiju Salomon: “Sedu forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.

2 Kronikas 15:7

ma abos, bo sedu forti; ka bo fraksi bo mon, pabia bo tarbaju i na tene pagamentu.”

Salmus 46:7

SIÑOR ku ten tudu puder sta ku nos; Deus di Jakó i no kau di suguransa. Sela

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 43:1

Gosi ja, pobu di Israel, jorson di Jakó, SIÑOR ku kumpou, ku formau, i fala: “Ka bu medi, pabia N libertau; N comau ku bu nomi propi; abo i di mi.

Isaias 43:5

Ka bu medi, pabia N sta ku bo; N na tisi bu fijus di saida di sol ku si kaida, pa N junta elis na se tera.

Isaias 8:12

“Kusa ku e pobu coma kontratu, ka bo fia nel; ka bo medi kusa ke medi, nin ka bo panta pabia del.

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Aẑeu 2:4

Ami, SIÑOR, N fala: Zorobabel, bu ten ku sedu forti! Josué, fiju di Jeozadak, ŝef di saserdotis, bu ten ku sedu forti! Abos, tudu pobu di tera, bo ten ku sedu forti, bo tarbaja, pabia N sta ku bos. Ami, SIÑOR ku ten tudu puder, N fala.

Aẑeu 2:5

Asin ku N fala na kontratu ku N fasi ku bos oca ku bo sai na Ejitu. Ña Spiritu sta na bo metadi; ka bo medi.’

Atus 4:19

Pedru ku Jon ruspundi e fala elis: “Bo kuda ben si i diritu dianti di Deus pa no obdisi bos mas di ki Deus,

Ripitison di Lei 1:21

Ali tera ku SIÑOR bo Deus pui bo dianti; bo bai bo tomal, suma ku SIÑOR Deus di bo papes fala. Ka bo medi, nin ka bo panta.”

Ripitison di Lei 20:1

Ora ku bu sai pa bai geria kontra bu inimigus, bu oja se kabalus ku karus, ku tropas mas ciu di ki di bo, ka bu ten medu delis, pabia SIÑOR bu Deus, ku tirau di tera di Ejitu, i sta ku bo.

Ripitison di Lei 31:23

SIÑOR da ordi pa Josué, fiju di Nun, i falal: “Sedu forti, bu ten koraẑen, pabia bu na yentranda fijus di Israel na tera ku N purmiti elis ku juramentu. Ami N na sta ku bo.”

Ripitison di Lei 31:28

Bo junta ña dianti tudu garandis di bo jorsons, ku bo gubernaduris, pa N konta elis e palabra na se oreja. N na coma seu ku tera pa e sedu tustumuñus kontra elis.

Josué 1:10

Josué da ordi pa garandis di pobu, i fala elis

Josué 1:17

Manera ku no obi Moisés na tudu, asin ku no na obiu. Son pa SIÑOR bu Deus sta ku bo suma ki staba ku Moisés.

Josué 1:18

Tudu omi ku nega obi bu palabra, i ka obdisi tudu ordi ku bu da, i na matadu. Son pa bu sedu forti, bu ten koraẑen.”

Josué 10:25

Josué fala elis: “Ka bo ten medu, nin ka bo panta. Bo sedu forti, bo ten koraẑen, pabia asin ku SIÑOR na fasi tudu bo inimigus ku bo na geria ku elis.”

Josué 10:8

SIÑOR fala Josué: “Ka bu ten medu delis, pabia N dau ja elis na bu mon; nin un delis ka na pudi firma bu dianti.”

Josué 3:7

SIÑOR fala Josué: “Aos N na kumsa fasiu garandi na uju di tudu Israel, pa e pudi sibi kuma N sta ku bo suma ku N staba ku Moisés.

Josué 6:27

Fama di Josué laga pa tudu parti di tera, pabia SIÑOR staba ku el.

Josué 8:1

Dipus, SIÑOR fala Josué: “Ka bu ten medu, nin ka bu disanima. Leba tudu omis di gera, bu bai ataka Ai, pabia N da na bu mon rei di Ai, si pobu, si prasa ku si tera.

Ŝefis 6:14

SIÑOR jubil te i falal: “Bai na ki forsa ku bu ten; bu na libra Israel na mon di midianitas. Nta i ka ami ku mandau?”

1 Samuel 10:7

Ora ku tudu e sinal kontisi, fasi kil ku bu sinti kuma bu dibi di fasi, pabia Deus sta ku bo.