Josué 1:7 - BIBLIA - traduson antigu in Krioulo

⁷ Son pa bu sedu forti, bu sedu koraẑosu; pui sintidu pa fasi konformi tudu lei ku ña servu Moisés dau. Ka bu disvia del, nin pa direita nin pa skerda, pa tudu pudi kuriu diritu na kualker kau ku bu na bai.

Josué 1:7 ပူးပေါင်းရင်းမြစ်များ

1 Reis 2:2

“N na bai na kamiñu ku tudu jinti ten ku bai nel. Fasi forsa, bu mostra kuma abo i omi,

1 Reis 2:3

bu kumpri ordi di SIÑOR bu Deus, bu yanda na si kamiñu, bu obdisi si leis ku mandamentus ku regras suma ki sta skritu na lei di Moisés. Asin, kualker kau ku bu bai, tudu ku bu fasi na kuriu diritu.

2 Reis 22:2

Josias fasi kusa retu dianti di SIÑOR, i yanda na tudu kamiñu di si pape Davi; i ka disvia nin pa direita nin pa skerda.

1 Kronikas 22:13

Si bu toma sintidu pa kumpri leis ku regras ku SIÑOR da Moisés pa Israel, kusas na kuriu diritu. Sedu forti, bu ten koraẑen; ka bu medi nin ka bu panta.

2 Kronikas 15:7

ma abos, bo sedu forti; ka bo fraksi bo mon, pabia bo tarbaju i na tene pagamentu.”

2 Kronikas 26:5

I pui sintidu pa buska Deus na tempu di Zakarias, ku nsinalba pa i ntindi kusas di Deus. Nkuantu i na buskaba SIÑOR, Deus pui kusas pa e kuril diritu.

Jo 1:8

SIÑOR torna punta Satanas: “Bu nota pa ña servu Jo? I ka ten ningin na mundu ku parsi ku el. I omi di bardadi ku ta rispitan, i ta yanda diritu, i libra di fasi mal.”

Salmus 80:19

O SIÑOR, Deus ku ten tudu puder, ribantanu, bu pui bu rostu pa i brilia riba di nos, pa no sedu salbu.

Ditus 4:27

Ka bu jingi nin pa direita nin pa skerda; tira bu pe di mal.

Ditus 8:20

N ta yanda na kamiñu di justisa; N ta sigi kamiñus diritu.

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Numerus 27:23

i pui si dus mon riba del, i dal ordis, suma ku SIÑOR falal pa i fasi.

Ripitison di Lei 11:8

Asin, bo obdisi tudu mandamentus ku N na da bos aos, pa bo pudi sedu forti pa yentra, bo toma tera ku bo na kamba pa bai yarda,

Ripitison di Lei 12:32

Ba ta obdisi tudu ku N mandau; ka bu buri nada riba del nin ka bu rapatil.

Ripitison di Lei 28:14

Ka bu disvia, nin pa direita nin pa skerda, di tudu palabras ku N na dau aos, pa bai tras di utru deusis pa sirbi elis.

Ripitison di Lei 29:8

No toma se con, no dal pa rubenitas, gaditas ku metadi di jorson di Manasés, pa i sedu se yardansa.

Ripitison di Lei 29:9

Bo toma sintidu, bo pratika palabras de kontratu, pa kusas pudi kuri bos diritu na tudu ku bo na fasi.

Ripitison di Lei 31:7

Moisés coma Josué, i falal na pursensa di tudu Israel: “Sedu forti, bu ten koraẑen, pabia bu na yentra ku e pobu na tera ku SIÑOR purmiti bu papes ku juramentu kuma i na da elis; i abo ku na fasi elis yardal.

Ripitison di Lei 4:2

Ka bo buri nada riba di ki palabra ku N fala bos, nin ka bo rapati nada del, ma bo obdisi mandamentus di SIÑOR bo Deus ku N na da bos.

Ripitison di Lei 5:32

Asin, bo pui sintidu na fasi kil ku SIÑOR bo Deus manda bos; ka bo disvia, nin pa direita nin pa skerda.

Josué 1:1

Dipus di mortu di Moisés, servu di SIÑOR, SIÑOR papia ku fiju di Nun, ku sedu Josué, judadur di Moisés, i falal:

Josué 1:8

Ka bu lunjusi libru de lei di bu boka. Pensa diritu nel di dia ku di noti, pa bu pudi pui sintidu pa fasi tudu ku sta la skritu. Asin bu na fasi bu kamiñu pa i bai ben; tudu na kuriu diritu.

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Josué 11:15

Suma ku SIÑOR da ordi pa si servu Moisés, asin ku Moisés da ki ordi pa Josué; Josué kumpril. I ka disa nada ku ka fasidu di tudu kil ku SIÑOR manda Moisés.

Josué 23:6

“Bo sedu forti, bo pui sintidu pa fasi tudu ku sta skritu na libru di lei di Moisés, pa bo ka disvia del, nin pa direita nin pa skerda.