Josué 1:17 - BIBLIA - traduson antigu in Krioulo

¹⁷ Manera ku no obi Moisés na tudu, asin ku no na obiu. Son pa SIÑOR bu Deus sta ku bo suma ki staba ku Moisés.

Josué 1:17 ပူးပေါင်းရင်းမြစ်များ

2 Samuel 14:17

N kuda tambi kuma palabra di Ñu Rei na dan diskansu, pabia Ñu Rei i suma un anju di Deus ku ta rapara ben ku mal. SIÑOR bu Deus ta sta ku bo.”

1 Reis 1:37

Suma ku SIÑOR staba ku Ñu Rei, i ta sta tambi ku Salomon, i ta fasi si renansa pa i sedu mas garandi di ki renansa di Ñu Rei Davi.”

1 Kronikas 28:20

Davi fala si fiju Salomon: “Sedu forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.

Salmus 20:1

SIÑOR pa i kudiu na dia di foronta; nomi di Deus di Jakó pa i guardau suguru.

Salmus 20:4

Pa i dau ke ku bu dija na bu korson, i pui tudu bu planus bai dianti.

Salmus 20:9

O SIÑOR, da vitoria pa rei; kudinu ora ku no comau.

Numerus 27:18

SIÑOR fala Moisés: “Toma Josué, fiju di Nun, un omi ku tene spiritu, bu pui mon riba del,

Numerus 27:20

Rapati bu otridadi ku el, pa tudu kumunidadi di Israel pudi obdisil.

Mateus 21:9

Multidon di jinti ku na baiba dianti, ku kilis ku fika tras, e na grita, e na fala: “Osana pa Fiju di Davi! Kil ku bin na nomi di Siñor i mersi ngabadu. Osana pa Deus na seu!”

Ripitison di Lei 34:9

Josué, fiju di Nun, staba incidu ku spiritu di jiresa, pabia Moisés puiba mon riba del. Asin fijus di Israel obdisil, e fasi suma ku SIÑOR manda Moisés.

Josué 1:16

Asin e ruspundi Josué, e falal: “Tudu ku bu mandanu fasi, no na fasil. Kualker kau ku bu mandanu, no na bai la.

Josué 1:18

Tudu omi ku nega obi bu palabra, i ka obdisi tudu ordi ku bu da, i na matadu. Son pa bu sedu forti, bu ten koraẑen.”

Josué 1:5

Ningin ka na firma bu dianti kontra bo na tudu dias di bu vida. Suma ku N staba ku Moisés, asin ku N na sta ku bo. N ka na disau, nin N ka na bandonau.

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Josué 4:14

Na ki dia SIÑOR garandisi Josué na uju di tudu Israel; e rispital duranti tudu dias di si vida, suma ke rispitaba Moisés.

1 Samuel 17:37

SIÑOR ku libran na mon di lion ku di ursu, i na libran na mon di ki filisteu.” Saul fala Davi: “Bai; SIÑOR na sta ku bo.”

1 Samuel 20:13

Tambi si ña pape pui sintidu pa fasiu mal, SIÑOR ta kastigan ciu si N ka kontau, pa N disau kapli pa bu bai ku pas. SIÑOR ta sta ku bo suma ki staba ku ña pape.