Jonas 3:6 - BIBLIA - traduson antigu in Krioulo

⁶ Oca ku e palabra ciga na oreja di rei, i lanta na si tronu, i dispi si ropa di renansa, i bisti saku, i sinta na sinsa.

Jonas 3:6 ပူးပေါင်းရင်းမြစ်များ

1 Reis 21:27

Oca ku Akab obi ki palabra di Elias, i rumpi si ropa, i kubri kurpu ku saku, i junjuŋa; i dita na saku, i yanda ketu.

Jo 2:8

Jo sinta na sinsa, i toma padas di puti pa kosa ku el.

Jo 42:6

E ku manda N njuti ña kabesa, N ripindi na reia ku sinsa.”

Isaias 15:3

Na ruas e bisti sakus; la riba di se kasas, tambi na kaus di nkontru na prasas, e na yanda e na pupa, e na cora ciu dimas.

Jeremias 13:18

“Fala rei ku si mame: ‘Bo ria, bo sinta na con, pabia koroas di bo gloria na kai di bo kabesa.’

Jeremias 36:13

Mikaias konta elis tudu palabras ki obiba oca ku Baruk lei na libru dianti di pobu.

Jeremias 36:24

Rei ku tudu si ŝefis ku obi tudu ki palabras e ka tenba nin medu, nin e ka rumpi se ropa.

Jeremias 6:26

“O ña pobu, bo mara saku, bo rola na sinsa; bo cora ku forsa ku tristesa, suma algin ku pirdi si uniku fiju, pabia di repenti danadur na bin riba di nos.”

Miskiñu di Jeremias 2:10

Garandis di Sion sinta na con, kaladu, e na bota puera riba di se kabesa, e mara sakus. Bajudas di Jerusalen na mpina se kabesa te na con.

Miskiñu di Jeremias 3:29

I bon pa i pui si boka na reia; talves i ta tene inda speransa.

Ezekiel 26:16

Tudu reis di teras ku sta lungu di mar e na ria na se tronus, e na tira se mantas ku se ropa bordadu; e na sinti garandi medu tok e sinta na con, e na tirmi, e na panta pabia di bo.

Daniel 9:3

N pui ña sintidu na SIÑOR Deus, N buskal na orason, ku rogus, ku junjun; N bisti saku, N sinta na sinsa.

Mikeias 1:10

Ka bo konta noba pa filisteus na Gat, nin ka bo cora. Na Bet-Ofra, bo rola na con.

Mateus 11:21

“Ai di bo, Korasin! Ai di bo, Betsaida! Si milagris ku fasidu na bo metadi fasiduba na prasas di Tiru ku Sidon, se moraduris ta ripindiba ja disna, tok e bisti saku, e sinta na sinsa.

Lukas 10:13

“Koitadi di bo, Korasin! Koitadi bo, Betsaida! Si milagris ku fasidu na bo metadi fasiduba na prasas di Tiru ku Sidon, se moraduris na ripindiba ja disna, e bisti saku, e sinta na sinsa.