Jonas 3:4 - BIBLIA - traduson antigu in Krioulo

⁴ Jonas yanda kamiñu di un dia, i na anunsia, i na fala: “I ten inda korenta dia pa Ninive danadu!”

Jonas 3:4 ပူးပေါင်းရင်းမြစ်များ

2 Reis 20:1

Na ki tempu Ezekias bin duensi, kuas pa muri. Anunsiadur Isaias, fiju di Amoz, bai pa el, i falal: “SIÑOR fala pa bu pui tudu na ordi, bu purpara, pabia bu ka na san; bu na muri.”

2 Reis 20:6

N na buriu kinzi anu di vida, N na librau, tudu ku e prasa, di mon di rei di Asiria. N na difindi e prasa pa amor di ña nomi, tambi pa amor di ña servu Davi.’ ”

Isaias 30:18

Ma SIÑOR misti mostra si miserikordia pa bos, i na lanta pa mostra bos amor, pabia SIÑOR i no Deus justu; tudu kilis ku na spera nel e sortiadu.

Jeremias 42:10

‘Si bo fika ne tera, N na kumpu bos, N ka na bati bos; N na firmanta bos, N ka na rinka bos, pabia N sta tristi pa mal ku N fasi bos.

Jonas 3:10

Deus oja ke ke na fasi, manera ke konverti di se kamiñu mau. I muda di ideia, i ka fasi elis ki mal ki falaba i na fasi.

Mateus 12:41

Na dia di julgamentu jinti di Ninive na bin lanta kontra jinti di aos pa kondena elis, pabia, oca e obi anunsiu di Jonas, e ripindi. Ali un algin li ku sedu mas di ki Jonas.

Lukas 11:30

Suma ku Jonas seduba sinal pa jinti di Ninive, Fiju di omi tambi i na sedu pa jinti di aos.

Lukas 11:32

Jinti di Ninive na lanta na dia di juisu ku jinti di aos, e na kondena elis, pabia e ripindi ku palabra di Jonas. Ali un algin li ki mas Jonas.

Ripitison di Lei 18:22

Si palabra ku un anunsiadur fala na nomi di SIÑOR ka bin sedu bardadi, bu ta sibi kuma ki palabra, i ka SIÑOR ku papial, ma i ki anunsiadur propi ku falal. Ka bu ten medu del.