Jonas 2:9 - BIBLIA - traduson antigu in Krioulo

⁹ ma N na pursentau sakrifisiu ku kantiga di gardisimentu; N na kumpri purmesa ku N fasiu. Salbason ta bin di SIÑOR.”

Jonas 2:9 ပူးပေါင်းရင်းမြစ်များ

Kumsada 35:3

No na lanta, no bai pa Betel. La N na kumpu altar pa ki Deus ku kudin na ki dia ku N foronta, kil ku staba ku mi na tudu kamiñu ku N yanda.”

2 Samuel 15:7

Na fin di kuatru anu, Absalon fala rei: “Disan bai Ebron pa N bai kumpri purmesa ku N fasi pa SIÑOR,

Jo 22:27

bu na papia ku el, i na obiu; bu na kumpri bu purmesa.

Salmus 107:22

E dibi di gardisil ku sakrifisius, e kanta ku kontentamentu pa konta ke ki fasi.

Salmus 27:1

SIÑOR i ña lus, i ña salbason; kin ku N na medi? SIÑOR i suguransa pa ña vida; kin ku N dibi di medi?

Salmus 3:8

Salbason ta bin di SIÑOR. Bu benson pa i sta riba di bu pobu.

Salmus 50:14

Pursenta Deus bu sakrifisiu di gardisimentu; kumpri bu purmesa pa Deus ku sta riba di tudu.

Salmus 50:23

Kil ku ta pursenta sakrifisiu di gardisimentu i ta glorifikan. Kil ku ta yanda diritu na kamiñu, N na mostral ña salbason.”

Salmus 68:20

No Deus i Deus ku ta salba; no libertason di mortu sta na mon di SIÑOR Deus.

Salmus 95:2

No ciga si dianti ku gardisimentu, no kantal salmus di vitoria,

Isaias 45:17

ma SIÑOR na salba Israel ku un salbason ku ka ta kaba. Bo ka na pasantadu borgoña, nin bo ka na kunfundidu nunka mas.

Jeremias 33:11

baruju di kontentamentu ku alegria, ku vos di noivu ku noiva, ku kantiga di jinti ku na kanta pa bai leba ofertas di gardisimentu pa kasa di SIÑOR, ku na fala: ‘Bo ngaba SIÑOR ku ten tudu puder, pabia el i bon; si bondadi i pa sempri.’ N na fasi e tera riku suma ki seduba na kumsada. I ami, SIÑOR, ku fala.”

Oseias 14:2

Bo toma palabras, bo riba pa SIÑOR, bo falal: “Tira tudu no pekadu, bu risibinu ku bondadi. Asin no na pursenta no orason suma turu di sakrifisiu.

Bon Noba di Jesus Kristu ku Jon 4:22

Abos bo ta adora kil ku bo ka kunsi; anos no ta adora kil ku no kunsi, pabia salbason bin di judeus.

Atus 4:12

I ka ten nin utru algin ku pudi salba, pabia ne mundu li, Deus ka da jinti nin utru nomi ku pudi salbanu.”

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Ripitison di Lei 23:18

Diñeru ngañadu na mau vida, nin si i di minjer o di omi, i ka pudi tisidu pa kasa di SIÑOR bu Deus pa paga kualker votu, pabia SIÑOR nuju e kustumus tudu.

Ebreus 13:15

Asin, na Jesus, no ba ta da Deus sempri sakrifisiu di ngabal, ku sedu oferta di no boka ku ta konta di si nomi.

Apokalipsi 7:10

E na papiaba ku garandi vos, e na fala: “Salbason bin di no Deus ku sta sintadu na tronu; i bin tambi di Karnel.”

1 Samuel 12:21

Ka bo disvia pa bai tras di idulus ku ka bali, ku ka ten nada di purbitu, nin e ka ta libra bos pabia e ka sedu nada.