Joel 3:6 - BIBLIA - traduson antigu in Krioulo

⁶ Bo bindi pobu di Judá ku Jerusalen pa gregus, pa e pudi lunjusi se tera.

Joel 3:6 ပူးပေါင်းရင်းမြစ်များ

Ezekiel 27:13

“‘Omis di Gresia, Tubal ku Mesek e ta nogosiaba ku bo. Pa kumpra bu merkadorias e ta paga ku katibus ku kusas di kobri.

Joel 3:3

E bota sorti riba di ña pobu; e torkia rapasis pa minjeris di mau fama, e bindi bajudas pa biñu pa e bibi.

Joel 3:8

N na bindi bo fijus, macu ku femia, pa pobu di Judá; e na bin bindi elis pa sabeus, un nason lunju dimas.” Asin ku SIÑOR fala.

Zakarias 9:13

N na fasi Judá suma mansasa, N na incil ku Efrain suma fleŝa. O Sion, N na disperta bu fijus pa e bai kontra fijus di Gresia; N na fasiu suma spada di omi di gera.

Ripitison di Lei 28:32

Bu dianti bu fijus macu ku femia na dadu suma katibus pa utru nason. Bu uju na pirdi forsa kada dia, manera di jubi kamiñu si e na bin, ma bu ka na pudi fasi nada.

Ripitison di Lei 28:68

SIÑOR na ribantau na barkus pa Ejitu, ki kau ku N falaba kuma nunka mas bu ka na ojal. La bo na bindi bo kabesa suma katibu macu ku femia pa bo inimigus, ma i ka na ten kin ku misti kumpra bos.