Joel 2:26 - BIBLIA - traduson antigu in Krioulo

²⁶ Bo na kume ciu, bo farta, bo ngaba nomi di SIÑOR bo Deus, ku fasi garandi maravilyas pa bos. Nunka mas ña pobu ka na pasa borgoña.

Joel 2:26 ပူးပေါင်းရင်းမြစ်များ

Kumsada 33:11

Di fabur, N pidiu pa bu toma ña pursenti ku N tisiu, pabia Deus na si bondadi i dan el. N tene tudu ku N pirsisa.” I ngodal tok i seta tomal.

Neemias 9:25

E toma prasas forti ku con riku, e ngaña kasas ku inciba rikesa, fontis kobadu, ortas di pe di uva ku di olivera, ku manga di arvuris di fruta. E kume, e farta, e taka, e goza kusas sabi, pabia di bu garandi bondadi.

Salmus 103:5

I el ku ta fartandan ku kumida sabi, tok N ta bida sempri nobu suma agia.

Salmus 116:7

Ña alma, torna fika diskansadu, pabia SIÑOR fasiu ben.

Salmus 13:6

N na kanta pa SIÑOR pabia i fasi bon kusas pa mi. Salmu di Davi pa ŝef di musika.

Salmus 22:26

Koitadis na kume, e farta; kilis ku buska SIÑOR na ngabal. N dija pa e ten koraẑen pa sempri!

Salmus 37:19

E ka na foronta na dias mau; na dias di fomi e na farta,

Salmus 67:5

Pui nasons pa e ngabau, o Deus; pui tudu nasons pa e ngabau!

Salmus 72:18

SIÑOR Deus, Deus di Israel, i mersi ngabadu; i el son ku ta fasi kusas garandi.

Ditus 13:25

Justu ta kume tok i farta, ma jinti mau e ta pasa fomi.

Kantiga di Salomon 5:1

Ña irma, ña noiva, N bin ja pa ña jardin, N kuji ña mira ku ña purfumus; N kume ña bagus di mel, N bibi ña biñu ku liti. Bo kume, amigus, bo bibi ciu, amadus.

Isaias 25:1

O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 29:22

Asin SIÑOR ku liberta Abraon fala aserka di jorson di Jakó: “I ka na pasa mas borgoña, nin si rostu ka na fika brankasenti.

Isaias 45:17

ma SIÑOR na salba Israel ku un salbason ku ka ta kaba. Bo ka na pasantadu borgoña, nin bo ka na kunfundidu nunka mas.

Isaias 49:23

Reis na teneu suma bu pape; se raiñas na tratau suma bu mame. E na limbi puera di bu pe. Abo bu na sibi kuma N sedu SIÑOR; kilis ku fia na mi e ka na kunfundidu.”

Isaias 54:4

“Ka bu medi pabia bu ka na pasantadu borgoña; ka bu burguñu, pabia bu ka na kunfundidu. Bu na diskisi di infidelidadi di bu nobresa; bu ka na lembra mas di borgoña di bu tempu di viuva.

Isaias 55:2

Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Sirmonias 25:19

Con na da si prudutu; bo na kumel tok bo farta; bo na mora nel suguru.

Sirmonias 26:26

Ora ku N bin korta sustentu di kumida, des minjer na kusña bo pon na un furnu. E na pesa pon pa rapatil. Bo na kumel, ma bo ka na farta.

Sirmonias 26:5

Bo na kontinua na masa arus te na tempu di kuji uvas; bo na kuji uvas te na tempu di sumia. Bo na kume tok bo farta; bo na mora suguru na bo tera.

Mikeias 6:14

Bu na kume ma bu ka na farta; bu bariga na tene fomi inda. Bu na rakada kusas ma bu ka na pudi guarda elis; kil ku bu guarda, N na kaba ku el na gera.

Sofonias 3:11

Na ki dia bu ka na burguñu di nin un di kusas ku bu fasi, manera ku bu disobdisin, pabia N na tira na bu metadi kilis ku ta kontenti na se orgulyu. Nunka mas bu ka na yalsa ombra na ña monti sagradu.

Zakarias 9:15

SIÑOR ku ten tudu puder na guarda si pobu; e na ngaña, e na kaba ku pedras di lamparan. E na grita suma jinti ku cami biñu; e na darma sangi ciu suma kil ku ta inci tiẑelas, pa pudu na kantus di altar.

Zakarias 9:17

Se bondadi na sedu garandi! E na bonitu dimas! Trigu na pui jovens pa e kirsi, e sedu forti; biñu nobu na fasi mesmu pa bajudas.

Romanus 10:11

Skritura fala kuma tudu ku setal ka ta pasa borgoña.

Romanus 5:5

speransa ka ta tisi disanimu, pabia Spiritu Santu ku no dadu i darma amor di Deus dentru di no korson.

Romanus 9:33

suma ki sta skritu: “Bo oja, N na pui na Sion un pedra di da tapada, un roca ku na pui elis kai. Kin ku fia nel ka na fika ku borgoña.”

Ripitison di Lei 11:15

ku paja pa bu limarias. Asin bu na kume, bu farta.

Ripitison di Lei 12:12

Bo kontenti dianti di SIÑOR bo Deus, abos ku bo fijus macu ku femia, ku bo katibus macu ku femia, ku levita ku sta na bo prasa, pabia el i ka tene terenu nin yardansa.

Ripitison di Lei 12:18

Bu na kume ki kusas dianti di SIÑOR bu Deus na kau ku el i kuji, bu kontenti ku frutu di bu tarbaju, abo ku bu fijus macu ku femia, ku bu katibus macu ku femia, suma tambi levita ku sta na bu prasa.

Ripitison di Lei 12:7

Bo na kume la, abos ku bo familias, dianti di SIÑOR bo Deus, bo kontenti ku frutu di bo tarbaju, pabia SIÑOR bo Deus bensua bos.

Ripitison di Lei 8:10

Ora ku bu kume, bu farta, bu ta ngaba SIÑOR bu Deus pa ki bon tera ki dau.

1 Timótiu 6:17

Manda kilis ku riku na kusas de mundu pa ka e sedu garandiosu, nin pa ka e pui speransa na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

1 Jon 2:28

Ña fijus, bo pega nel, pa ora ki bin, no pudi ten fiansa; no ka na fika ku borgoña si dianti dia ki bin.