Joel 1:10 - BIBLIA - traduson antigu in Krioulo

¹⁰ Lugar danadu, tera sta tristi, pabia trigu kabadu ku el; uvas seku, azeiti na falta.

Joel 1:10 ပူးပေါင်းရင်းမြစ်များ

Kumsada 4:12

Ora ku bu labra con, nada i ka na dau. Bu na ba ta yanda-yanda, bu ka na tene kau sertu di mora na tera.”

Isaias 15:6

Yagu di Ninrin seku; paja seku, i muri; i ka ten paja verdi ku sobra.

Isaias 24:11

Na ruas e na grita pa biñu; tudu kontentamentu bida sukuru; gozu baridu fora di tera.

Isaias 24:7

Biñu nobu na seku; pe di uva na pirdi forsa. Tudu kilis ku staba kontenti e na jimi.

Jeremias 12:11

e danal tudu; bandonadu, i na coman. Tudu con danadu pabia i ka ten ningin ku mporta ku es.

Jeremias 12:4

Te kal tempu ku con na fika tristi, paja na seku na tudu lugar? Pabia di maldadi di kilis ku mora nel, limarias ku kacus e na muri. Jinti na fala: “Deus ka na oja ke ku na sedu ku nos.”

Jeremias 48:33

Kontentamentu ku alegria tiradu na tera riku di Moab. N pui biñu pa i para kuri na kau di masa uva. Gosi ja, jinti ka ta masa uvas ku gritus di kontentamentu. Gritus pudi ten, ma e ka na sedu di kontentamentu.

Oseias 4:3

E ku manda tera na seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

Oseias 9:2

Miju ku uvas ka na ciga pa pobu; e ka na tene biñu.

Joel 1:12

Pe di uva seku, figera lati, suma romera tambi, ku palmera ku masiera; tudu arvuris di matu seku; kontentamentu di jinti seku tambi.

Joel 1:5

Abos camiduris, bo korda, bo cora; abos ku ta bibi biñu, bo jimi pabia di falta di biñu nobu, pabia uvas pa kumpul kumedu ja tudu.

Joel 2:19

SIÑOR na ruspundi, i fala si pobu: “Ali N na manda bos trigu, biñu nobu ku azeiti; bo na farta ku elis. N ka na torna ntrega bos pa nasons koba bos.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Abakuk 3:17

Asin, nin si pe di figu ka padi flor, nin si uvas ka ten na se pe, nin si olivera ka bin padi fruta, nin si lugaris ka rindi kusa di kume, nin si karnelis di rebañu rabatadu, nin si bakas ka ten na koral,

Aẑeu 1:11

N coma sekura pa i bin riba di con, riba di montis, riba di trigu ku ortas di uva ku olivera, ku tudu ku con ta pruduzi, suma tambi riba di omis ku limarias, ku tudu tarbaju di mon di omi.”

Malakias 2:3

“N na korta bo jorson, N na unta susidadi na bo rostu, ki susidadi di limarias di sakrifisiu di bo festival. Bo na tiradu juntu ku el.