Jo 9:5 - BIBLIA - traduson antigu in Krioulo

⁵ I ta mundanta montis sin e ka sinti; na si raiba i ta rabida elis.

Jo 9:5 ပူးပေါင်းရင်းမြစ်များ

Jo 26:6

Mundu di mortus sta nun si dianti, i ka kubridu.

Jo 28:9

Omi ta distindi mon pa kebra pedra mas risu; i ta koba te na rais di montis.

Jo 34:25

Suma ki sibi ke ke na fasi, i ta bati elis di noti, i kebranta elis.

Jo 40:11

Jubi pa tudu orgulyosus, bu bati elis; bu darma forsa di bu raiba.

Jo 41:11

Kin ku patin purmeru, ku N ten ku pagal? Tudu kil ku sta bas di seu i di mi.

Salmus 114:6

Abos montañas, pabia di ke ku bo jukuta suma karnel? Abos montis pikininu, ke ku manda bo jukuta suma karnelsiñus?

Salmus 46:2

Asin, no ka na medi, nin si con bulbuli; nin si montis kai na metadi di mar;

Salmus 68:8

con tirmi; seu darma cuba dianti di Deus. Monti Sinai tirmi dianti di Deus, Deus di Israel.

Isaias 40:12

Kin ku ciga di midi yagu di mar ku si mon, o kin ku ciga di midi seu ku palmu di si mon? Kin ku ciga di midi reia di con ku kaneka, o i pesa monti, garandi o pikininu, na balansu?

Naun 1:5

Montañas na tirmi si dianti; montis na ribi. Mundu ku tudu jinti ku mora nel na bulbuli na si pursensa.

Naun 1:6

Kin ku pudi firma dianti di si raiba? Kin ku pudi nguenta si raiba meduñu? I ta darmadu suma fugu; pedras garandi ta kebra si dianti.

Abakuk 3:10

Montañas ojau, e tirmi. Korentis di yagu e kuri pa bai; Yagu bas di con somna ku forsa; i pui maron garandi lanta.

Abakuk 3:6

I para, i bulbuli con; i jubi, i pui nasons pa e tirmi. Montañas ku staba la sempri e kebra-kebradu; montis kai tudu, ki montis nunde ki ta yandaba sempri.

Zakarias 4:7

Montaña garandi, abo i kin? Dianti di Zorobabel bu na sedu suma kau rasu, pabia el i na koloka pedra di kabantada, nkuantu jinti na grita ku kontentamentu, e na fala: ‘I bonitu! I bonitu!’ ”

Mateus 21:21

Jesus fala elis: “Na bardadi, N na konta bos, si bo ten fe, bo ka duvida, bo ka na fasi son kil ku fasidu na figera, ma te e monti, si bo falal pa i lanta, i bai dentru di mar, asin ki na sedu.

Mateus 27:51

Kurtina di kasa di Deus findi na dus padas, di riba pa bas. Tera tirmi, pedras rebenta.

Lukas 21:11

Na manga di lugar con na tirmi ku forsa, fomi na ten, duensa na laga. I na ten tambi kusas meduñu ku na bin ojadu, ku garandi sinalis na seu.

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

Apokalipsi 11:13

Na ki mesmu ora con tirmi ku forsa; desimu parti di prasa kai. Ku ki tirmidura di con seti mil jinti muri. Kilis ku fika e medi tok e da gloria pa Deus di seu.

Apokalipsi 6:14

Seu disparsi suma libru ku roladu; tudu montis ku jius e munda di se lugar.