Jo 9:32 - BIBLIA - traduson antigu in Krioulo

³² “Deus i ka omi suma mi, ku N pudi ruspundi, pa no pudi nfrenta ŋutru na kau di justisa.

Jo 9:32 ပူးပေါင်းရင်းမြစ်များ

Jo 33:12

“Ma ami N na ruspundiu, N fala kuma, ne kusa bu ka ten roson, pabia Deus i mas garandi di ki omi.

Jo 33:7

Bu ka dibi di ten medu di mi, nin ña mon ka na sedu pisadu riba di bo.

Jo 9:14

“Nta ami, kuma ku N pudi ruspundil, o kuji palabras pa diskuti ku el?

Jo 9:19

Si i forsa ku no na papia del, el ku ten forsa. Si i justisa, kin ku na comal pa tribunal?

Jo 9:3

Si i misti diskuti ku el, nin un di mil kusa i ka pudi ruspundil!

Jo 9:31

i na botan na koba di lama, tok ña ropa nuju ña kurpu.

Salmus 143:2

Ka bu leba bu servu pa julgamentu, pabia na bu uju i ka ten kin ki justu na metadi di bibus.

Eklesiastis 6:10

Kil ku izisti i dadu ja nomi; naturesa di omi i kunsidu ja. Nin un omi ka pudi diskuti ku algin ku mas el forti.

Isaias 45:9

Koitadi di kil ku jusia ku si Kumpudur! Ki algin i son padas di puti na metadi di utrus! Nta lama na bin punta si kumpudur: “Ke ku bu na kumpu?” O kusa ku bu na kumpu i na falau kuma bu ka ten jitu?

Jeremias 49:19

“Suma ku lion ta sai na matu ficadu di Jordon, i bai kontra karnel na kau di paja bonitu, asin ku N na serka Edon di repenti. Kin ku N na kuji pa pui suma rei riba del? Kin ku parsi ku mi? Kin ku na disafian? Kin ki bakiadur ku pudi firma ña dianti?

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Romanus 9:20

Abo i kin, omi, ku na diskuti ku Deus? Nta puti ta punta kil ku kumpul: “Pabia di ke ku bu kumpun de manera?”

1 Jon 3:20

Si no korson na kondenanu, no sibi kuma Deus i mas garandi di ki no korson. El i sibi tudu kusa.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”