Jo 8:8 - BIBLIA - traduson antigu in Krioulo

⁸ “Punta jinti antigu, bu buska sibi ke ku se papes nsinaduba.

Jo 8:8 ပူးပေါင်းရင်းမြစ်များ

2 Kronikas 10:6

Rei Reoboan bai konsulta ideia di garandis ku ta konsijaba si pape Salomon ocal bibu, i punta elis: “Kal ki bo konsiju pa mi pa N pudi ruspundi e pobu?”

Jo 12:12

Jiresa sta ku jinti di idadi. Kil ku tarda na mundu i ta ten ntindimentu.

Jo 13:1

“Es tudu, N ojal ku ña uju; ña oreja obil; N ntindil diritu.

Jo 15:10

Tambi na no metadi no tene garandis di kabelu branku, mas beju di ki bu pape.

Jo 15:18

Jinti jiru konta ke ke obi di se papes; e ka sukundi nada.

Jo 20:4

“Sertamenti bu sibi kuma ki sta disna di tempu antigu, disna ku omi pudu ne mundu.

Salmus 44:1

O Deus, no obi ku no propi oreja, no papes kontanu kusas ku bu fasi na se tempu, na dias di antigu.

Isaias 38:19

Jinti bibu, i jinti bibu ku na bin ngabau, suma mi aos. Papes na konta fijus manera ku bu sedu bardadi.

Joel 1:2

Abos garandis, bo para atenson; bo sukuta, abos tudu ku mora ne tera. Nta es ciga di kontisi na bo tempu, o na tempu di bo papes?

Romanus 15:4

Tudu ku skirbiduba purmeru na palabra di Deus i skirbidu pa nsinanu, pa danu pasensa ku koraẑen, pa no pudi ten speransa.

1 Koríntius 10:11

Tudu ki kusas kontisi pa un sinal, i skirbidu pa avisanu, anos ku na vivi na tempu ku kabantada di tudu sta pertu.

Ripitison di Lei 32:7

Lembra di dias di antigu, pensa na jinti di tempu pasadu. Punta bu pape; i ta kontau. Punta bu garandis; e ta dau pasada.

Ripitison di Lei 4:32

Buska sibi di tempus ku pasa, antis di bu padidu, disna di dia ku Deus kumpu omi na tera; punta di un ladu di seu pa utru, si kontra kusa garandi suma es i ciga di fasidu, o si algin ciga di obi un kusa suma es.