Jo 6:4 - BIBLIA - traduson antigu in Krioulo

⁴ Fleŝas di Deus ku ten tudu puder sta na mi; ña spiritu na bibi se venenu. Forontas meduñu di Deus e juntadu kontra mi.

Jo 6:4 ပူးပေါင်းရင်းမြစ်များ

Jo 16:9

“Na si raiba i pirsigin, i sapa-sapan; i ñeme dinti kontra mi; ña inimigu jubin ku odiu.

Jo 19:12

Si tropas junta e bin, e kumpu rampa di kamba kontra mi, e pui se tendas na ña roda.

Jo 20:16

I na cupa venenu di kobra; boka di vibura na matal.

Jo 21:20

Si propi uju dibi di oja si kastigu; i dibi di bibi raiba di Deus ku ten tudu puder.

Jo 30:15

Medu bin toma konta di mi; ña rispitu bai, suma kusa ku bentu bari; ña sabura pasa suma nuven.

Jo 31:23

Pabia kastigu di Deus i un kusa meduñu pa mi; suma N ka pudi nguenta si garandesa, N ka pudiba fasi kusas asin.

Jo 34:6

Nin ku N ten roson, N comadu munturus; N ka ten kulpa, ma ña caga ka pudi kuradu.’

Jo 7:20

Si N peka, kal mal ku N fasiu, abo ku ta bisia jinti? Ke ku manda bu fasin bu alvu, pa N sedu kargu pa ña kabesa?

Jo 9:17

I ta kebrantan ku turbada, i buri ña cagas sin roson.

Salmus 143:7

O SIÑOR, kudin kinti-kinti; ña spiritu na dismaja. Ka bu sukundin bu rostu, pa N ka bin torna suma kilis ku na ria na koba.

Salmus 18:14

I buri si raius, ku sedu suma fleŝas, i pajiga inimigus, i serka elis.

Salmus 21:12

Bu na pui elis vira kosta, pabia bu ponta elis ku fleŝa.

Salmus 38:2

Bu fleŝas pañan, bu mon kai riba di mi.

Salmus 38:3

Pabia di bu raiba, i ka ten parti di ña kurpu ku tene saudi; ña os ka ten forsa pabia di ña pekadu.

Salmus 45:5

Bu fleŝas gudu na yentra na korson di inimigus di rei; nasons na kai bas di bo.

Salmus 7:13

I purpara ja si material ku ta mata, i sta pruntu pa manda si fleŝas di fugu.

Ditus 14:10

Kada korson i kunsi si propi kasabi ku si kontentamentu; algin strañu ka pudi toma parti ku el.

Ditus 18:14

Spiritu firmi di omi i na nguenta duensa, ma spiritu disanimadu, kin ku pudi nguental?

Isaias 28:19

Sempri ki pasa, i na rabata bos, pabia i na pasa kada parmaña, di dia ku di noti.” Son pa obi e noba i na tisi garandi foronta.

Miskiñu di Jeremias 2:4

I pruntia si mansasa suma inimigu, si mon direita sta pruntu; suma algin ku sta kontra nos, i mata tudu ku seduba bonitu. I darma si raiba suma fugu na moradas di pobu di Sion.

Miskiñu di Jeremias 3:3

I vira si mon kontra mi tudu ora, disna di parmaña te di tardi.

Markus 15:34

Na tris ora di tardi Jesus fala ku vos altu: “Eloi, Eloi, lamá sabaktani?” ku sedu: “Ña Deus, ña Deus, pabia di ke ku bu bandonan?”

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.

Ripitison di Lei 32:42

Ña spada na kume karni; N na caminti ña fleŝas ku sangi, sangi di mortus ku katibus, ku di ŝefis di inimigus.”

Ruti 1:20

I fala elis: “Ka bo coman Noemi, ma bo coman Mara, pabia Deus ku ten tudu puder i dan kasabi garandi na ña vida.