Jo 6:15 - BIBLIA - traduson antigu in Krioulo

¹⁵ Ña ermons e sedu infiel pa mi, suma riusiñu ku ta seku. Utru ora i ta tene manga di yagu,

Jo 6:15 ပူးပေါင်းရင်းမြစ်များ

Jo 11:16

Bu na diskisi di bu sufrimentu, bu na lembra del son suma yagu ku pasa.

Jo 13:4

ma abos, bo ta kubri bardadi ku mintida; bo sedu medikus ku ka bali nada!

Jo 14:11

Suma yagu ta disparsi na lagua, riu ta seku,

Jo 19:13

“I pui ña ermons pa e lunjusi di mi; kilis ku kunsin e tenen suma algin strañu.

Jo 19:19

N bida nujenti pa tudu ña amigus di korson; kilis ku N mas ama e vira kontra mi.

Jo 6:16

i ta kubri ku jelu; nevi ta sukundi nel, Ora ki diskonjela, i ta bin sedu korenti di yagu.

Salmus 38:11

Ña amigus ku kumpañeris ta fika lunju di ña caga; ña parentis tambi e ta lunjusi di mi.

Salmus 41:9

Te ña amigu di korson, ku N fiansaba nel, ku ta kume ña kumida, i rabida kontra mi.

Salmus 88:18

Bu lunjusi di mi ña amigus ku kumpañeris; gosi ja, i sukuru ku sedu ña amigu mas pertu.

Ditus 25:19

Algin infiel ku bu misti fiansa nel na tempu di foronta, i suma dinti ku kebra, o pe ku sai na si lugar.

Jeremias 12:6

Te bu ermons, familia di bu pape, elis propi e sedu infiel pa bo, e ta pirsigiu ku forti gritus. Ka bu fia nelis, mesmu ke na papia palabra sabi ku bo.

Jeremias 15:18

Ke ku manda ña dur ka ta kaba, ña caga na den, i ka seta san? Nta bu na sedu pa mi suma riusiñu ku ta ngana, pabia si yagu ta seku?

Jeremias 30:14

Bu amantis tudu diskisi di bo, nin e ka ta punta pa bo. N sutau suma ku bu inimigu pudi fasi; N kastigau suma ku algin mau ta fasi, pabia di bu maldadi garandi ku bu manga di pekadu.

Jeremias 38:22

Tudu minjeris ku fika na kasa di rei di Judá e na lebadu pa ŝefis di rei di Babilonia. E na falau: “‘Kil bu amigus ku bu fiansaba nelis e nganau, e ngañau. Gosi bu pe ntola na lama; bu amigus bandonau.’

Bon Noba di Jesus Kristu ku Jon 13:18

“N ka na fala di bos tudu. Ami N kunsi kilis ku N kuji, ma i ten ku sedu suma ku Skritura fala: ‘Kil ku kume pon ku mi i lantanda si kalkañada kontra mi.’

Bon Noba di Jesus Kristu ku Jon 16:32

Ora na bin ciga, i pertu ja, ora ku bo na pajiga, kada un pa si ladu; bo na disan ami son, ma N ka sta son, pabia ña Pape sta ku mi.

Judas 1:12

E jinti i manca na bo festa di amor. Ora ke na kume ku bos, e ka ta ten rispitu; e sedu bakiaduris ku ta bakia son se kabesa; i suma nuven ku bentu ta leba di un ladu pa utru, ku ka ta cubi; suma po ku ka ta padi na si tempu, i rinkadu tudu ku si rais, i muri un bias.