Jo 42:11 - BIBLIA - traduson antigu in Krioulo

¹¹ Tudu si ermons macu ku femia, ku tudu jinti ku tarda kunsilba, e bai falal manteña, e kume ku el na si kasa, e konsolal di tudu mal ku SIÑOR mandaba riba del. Kada kin dal diñeru ku anel di uru.

Jo 42:11 ပူးပေါင်းရင်းမြစ်များ

Kumsada 24:22

Oca ku kamelus kaba bibi, omi toma un anel di uru di mas di sinku grama, ku dus pulsera di uru ku pesa mas di sen grama pa si mon.

Kumsada 24:53

Dipus i tira kusas di prata ku di uru, ku ropa, i da Rebeka. I da tambi kusas di balur pa si ermon ku si mame.

Kumsada 37:35

Tudu si fijus macu ku femia lanta pa konsolal, ma i nega pa i konsoladu. I fala: “Na bardadi, N ten ku cora ña fiju te dia ku N bai pa el na kau di jinti ku muri.” Asin si pape cora pa José.

Jo 16:5

Ma kusa ku N na fasiba, N na daba bos koraẑen; ña palabra di konsolason na kalma bo dur.

Jo 2:11

Jo teneba tris amigu ku seduba Elifaz di prasa di Teman, Bildad di tera di Suá, ku Zofar di tera di Naama. Oca ke obi tudu mal ku bin riba di Jo, kada kin sai na si lugar. E ruma pa kontra, pa bai juntu pa falal manteña, pa konsolal.

Jo 4:4

Bu palabras lantanda kilis ku na kaiba, bu fortifika jujus fraku.

Ditus 14:20

Koitadi, nin si visiñu i ka ta gosta del, ma amigus di riku e ciu dimas.

Ditus 16:7

Si SIÑOR sta kontenti ku manera ku un omi na yanda, i ta fasi si inimigus ten pas ku el.

Bon Noba di Jesus Kristu ku Jon 11:19

Manga di ŝefis di judeu bai fala Marta ku Maria manteña pa konsola elis na mortu di se ermon.

Romanus 12:15

Bo kontenti ku kilis ku sta kontenti, bo cora ku kilis ku na cora.

1 Koríntius 12:26

Asin, si un parti na sufri, tudu ta sufri ku el. Si un parti ngabadu, tudu ta kontenti juntu ku el.

Ebreus 12:12

Asin bo lantanda bo mon kansadu, bo tesanta bo juju ku na tirmi!

Ebreus 13:3

Bo lembra di kilis ku sta prezu, suma ku bo sta prezu ku elis. Bo lembra di kilis ku maltratadu, suma ki pudi sedu na bo kurpu tambi.

Josué 24:32

Tambi, na Siken, e ntera os di José, ku fijus di Israel tisi desdi Ejitu. E nteral na ki terenu ku Jakó kumpraba na mon di fijus di Amor, pape di Siken, pa sen mueda di prata. Ki terenu yardadu pa jorson di José.

1 Samuel 10:27

ma utru omis mau punta: “Nta i es ku na bin libertanu?” E njutil, e ka lebal ofertas, ma Saul kala boka.