Jo 4:17 - BIBLIA - traduson antigu in Krioulo

¹⁷ ‘Nta omi pudi sedu mas justu di ki Deus? I pudi sedu mas puru di ki kil ku kumpul?

Jo 4:17 ပူးပေါင်းရင်းမြစ်များ

Kumsada 18:25

I ka pudi sedu pa bu fasi kusa suma es, bu mata justus juntu ku jinti mau! Nta algin justu i ta tratadu suma algin mau? I ka pudi sedu! Nta Juis di tudu mundu i ka ta fasi kusa diritu?”

Jo 14:4

Kin ku pudi tira kusa puru na un kusa ku ka puru? Ningin!

Jo 15:14

“Ke ki omi ku padidu na minjer pa i sedu puru i justu?

Jo 25:4

Kuma ku omi pudi sedu justu dianti di Deus? Kil ku padidu na minjer, kuma ki pudi sedu puru?

Jo 31:15

Nta kil ku kumpun na bariga, i ka kumpu ña kriadu tambi? O i ka el mesmu ku kumpunu na bariga?

Jo 32:22

N ka sibi ngaba ku nganu; si N fasiba kila, Deus ku kumpun ta leban kinti-kinti.

Jo 35:10

Ma ningin ka ta punta: ‘Nunde ku Deus ku kumpun sta nel, kil ku ta da kantigas di noti,

Jo 35:2

“Nta bu ten diritu di fala kuma abo i justu dianti di Deus?

Jo 36:3

N tisi ña kuñisimentu di lunju; N na torna diklara kuma kil ku kumpun i justu.

Jo 4:16

Ki spiritu para, ma N ka pudi sibi i ke. N oja un kusa suma algin ku sta ña dianti. N kala, N obi vos bas ku punta:

Jo 40:8

“Nta bu misti proba kuma N ka sedu justu? Bu na kondenan pa da bu kabesa roson?

Jo 8:3

Deus ka ta tursi justisa; kil ku ten tudu puder ta fasi sempri kil ki sertu.

Jo 9:2

“Sin, N sibi kuma i bardadi. Kuma ku un omi pudi sedu justu dianti di Deus?

Salmus 143:2

Ka bu leba bu servu pa julgamentu, pabia na bu uju i ka ten kin ki justu na metadi di bibus.

Salmus 145:17

SIÑOR i justu na tudu si kamiñu, i bon na tudu si tarbaju.

Eklesiastis 7:20

Na bardadi i ka ten omi justu na mundu ku ta fasi kil ki sertu, ku nunka ka ta peka.

Jeremias 12:1

O SIÑOR, abo ku ten roson sempri ora ku N pui ña kasu bu dianti, ma N na papia ku bo aserka di bu justisa. Ke ku manda kusas ta kuri diritu ku jinti mau? Ke ku manda kilis ku ka sedu fiel ta vivi ku pas?

Jeremias 17:9

Korson ta ngana mas di ki tudu kusa, i kuruptu tok i ka ten kura; kin ku pudi kunsil?

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?

Romanus 2:5

Manera ku bu korson i duru, i ntemus, bu na buri raiba riba di bo na dia ku Deus na mostra si raiba ku si justu juisu.

Romanus 9:20

Abo i kin, omi, ku na diskuti ku Deus? Nta puti ta punta kil ku kumpul: “Pabia di ke ku bu kumpun de manera?”

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”