Jo 37:22 - BIBLIA - traduson antigu in Krioulo

²² Di norti sol ta ojadu, ku lus bonitu, kor di uru; Deus ta bin suma rei meduñu.

Jo 37:22 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Jo 37:21

Omi ka pudi oja pa sol ku na lampra na seu, manera ku bentu pasa, i fika seu limpu.

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 40:10

Si i asin, faja ku bonitasku ku orgulyu, bu bisti ku garandesa ku gloria.

Salmus 104:1

O ña alma, fala ben di SIÑOR. SIÑOR ña Deus, abo i garandi dimas. Bu bisti gloria ku garandesa di renansa.

Salmus 145:5

Ami N na fala di garandesa gloriosu di bu puder, ku kusas maravilyosu ku bu fasi.

Salmus 29:4

Fála di SIÑOR i puderosu; fála di SIÑOR i mas forti di ki di rei.

Salmus 66:5

Bo bin bo jubi tarbaju di Deus; kusas ki fasi pa juda jinti i meduñu.

Salmus 68:35

O Deus, abo i meduñu na bu kau sagradu! Deus di Israel ta da forsa ku puder pa si pobu. Deus mersi ngabadu!

Salmus 76:12

I ta kebra spiritu di ŝefis; reis di mundu ta ten medu del.

Salmus 89:8

O SIÑOR, Deus ku ten tudu puder, kin ku forti suma bo? Na tudu ladu bu sedu fiel, SIÑOR.

Salmus 93:1

SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

Ditus 25:23

Bentu di norti ta tisi cuba; lingua finjidu di papiadur ta tisi rostu di raiba.

Isaias 2:10

Bai bu yentra na pedras garandi, bu koba na con, bu sukundi di raiba meduñu di SIÑOR, ku gloria di si puder.

Isaias 2:19

Jinti na kuri e yentra na kobas di pedras garandi ku kobas di con pa sukundi di raiba meduñu di SIÑOR, ku gloria di si puder, ora ki lanta pa bulbuli con.

Mikeias 5:4

I na manti firmi, i na bakia pobu na forsa di SIÑOR, na puder di nomi di SIÑOR si Deus. E na mora suguru, pabia i na bin garandisidu te na partis mas lunju di mundu.

Naun 1:3

SIÑOR ta tarda pa paña raiba, ma i ten garandi forsa; nunka i ka ta disa kulpadu sin kastigu. SIÑOR tene si kamiñu na urdumuñu ku turbada. Nuvens i puera di si pe.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 12:29

pabia no Deus i un fugu ku ta kaba ku tudu.

Judas 1:25

ki un Deus son, no Salbadur, pa no dal gloria pa meiu di no Siñor Jesus Kristu, no rikuñisil suma Rei ku na manda, ku ten puder, antis di kumsada di tempu, ku gosi, i pa tudu sempri. Amen.