Jo 36:18 - BIBLIA - traduson antigu in Krioulo

¹⁸ Toma sintidu pa ka ningin nganau ku rikesa; ka bu disa un suku di bas garandi disviantau.

Jo 36:18 ပူးပေါင်းရင်းမြစ်များ

Jo 33:24

i na ten pena del, i na fala: ‘Libral pa ka i ria na koba; N oja un libertadur.’

Jo 36:19

Nta el i ta rispita bu rikesas, ku tudu sforsu di bu mon, pa i librau pa ka bu fika na foronta?

Salmus 110:5

Na bu direita, SIÑOR na kebranta reis na dia di si raiba.

Salmus 2:12

Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.

Salmus 2:5

Dipus i na raprindi elis na si raiba, i na pantanda elis, i fala:

Salmus 39:10

Tira bu kastigu riba di mi; pabia di bu suti N na dismaja.

Isaias 14:6

I ta kastigaba nasons ku raiba, ku golpis ku ka ta para, i na mandaba na nasons ku raiba ku pirsigison, sin ningin ku pudi tujil.

Ezekiel 24:16

“Fiju di omi, N na tira ki algin ku bu mas ama, di repenti, ma ka bu miskiña, nin ka bu cora, ku fadi pa larmas kuri na bu uju.

Jonas 4:4

SIÑOR puntal: “Kal diritu ku bu ten pa paña raiba de manera?”

Jonas 4:9

Deus punta Jonas: “Kal diritu ku bu ten pa paña raiba de manera pabia di pe di bobra?” Jonas ruspundi i falal: “N ten diritu pa paña raiba te puntu di N muri.”

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Romanus 1:18

Deus mostra si raiba di seu riba di tudu maldadi ku pekadu di omis ku sukundi bardadi na se maldadi.

Romanus 2:5

Manera ku bu korson i duru, i ntemus, bu na buri raiba riba di bo na dia ku Deus na mostra si raiba ku si justu juisu.

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.