Jo 36:16 - BIBLIA - traduson antigu in Krioulo

¹⁶ “Asin i na tirau na foronta, i lebau pa kau largu, nunde ku bu na sta libri; kumida di bu mesa na sabi.

Jo 36:16 ပူးပေါင်းရင်းမြစ်များ

Jo 15:11

Nta konsolason di Deus ka cigau? Bu ta njuti palabras sabi ku no papia pa bo?

Jo 19:8

El i tajan kamiñu, N ka pudi pasa; i pui sukuru na ña kamiñu.

Jo 5:17

“Sortiadu kil ku Deus kuriẑi; ka bu njuti disiplina di kil ku ten tudu puder.

Salmus 118:5

N coma SIÑOR na foronta; SIÑOR obin, i libertan.

Salmus 18:19

I tisin na un kau largu, i libran, pabia i kontenti ku mi.

Salmus 18:20

SIÑOR tratan diritu suma ña vida i justu; i pagan konformi puresa di ña mon,

Salmus 23:5

Bu ta purpara un festa ña dianti nunde ku ña inimigus pudi ojan. Bu ta unta ña kabesa ku azeiti; bu ta inci ña kopu tok i darma.

Salmus 31:8

Bu ka ntregan na mon di ña inimigu, ma bu pui ña pe na un kau largu.

Salmus 36:8

E ta farta rikesas di bu kasa; bu ta pui elis pa e bibi na riu di bu sabura,

Salmus 63:5

Ña alma farta, suma algin ku farta kumida gurdu; asin ña boka na ngabau ku kontentamentu

Salmus 63:6

ora ku N lembra di bo na ña kama, o N pensa na bo duranti noti.

Isaias 25:6

Ne monti SIÑOR ku ten tudu puder na purpara pa tudu nasons un festa di kumida riku, un festa ku biñu beju, ku karni gurdu ku biñu mas puru.

Isaias 55:2

Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Oseias 2:14

N na atrail, N lebal pa lala, N bai papia diritu ku el.