Jo 35:5 - BIBLIA - traduson antigu in Krioulo

⁵ Yalsa uju pa riba, bu jubi pa seu; jubi diritu pa ki nuvens altu ku sta riba di bo.

Jo 35:5 ပူးပေါင်းရင်းမြစ်များ

Kumsada 15:5

I lebal pa fora, i falal: “Jubi pa seu, bu fasi konta di strelas, si kontra bu pudi konta elis.” I rabida, i falal: “Asin ku bu jorson na sedu.”

1 Reis 8:27

“Ma na bardadi, Deus pudi mora na tera me? Seu propi, nin si i seu mas altu, i ka ciga pa bu kibi la, ku fadi e kasa ku N kumpu.

Jo 11:7

“Bu pudi diskubri fundura ku limiti di garandesa di Deus ku ten tudu puder?

Jo 11:8

Si jiresa i altu suma seu; ke ku bu pudi fasi? I mas fundu di ki mundu di mortus; ke ku bu pudi sibi?

Jo 22:12

“Deus sta la riba na seu; i ta jubi pa strelas bas del, kontudu, pa nos, strelas i altu.

Jo 35:4

“N na dau rasposta, abo ku bu amigus.

Jo 36:26

Deus i garandi; no ka pudi ntindil; numeru di si anus ka pudi kalkuladu.

Jo 37:16

Bu ntindi kuma ku ki nuvens garandi ta pindra la riba? Es i milagri di kil ki pirfitu na kuñisimentu.

Isaias 55:8

SIÑOR fala: “Ña pensamentus i ka suma di bos, nin ña kamiñu i ka juntu ku di bos.

Isaias 55:9

Manera ku seu sta mas altu di ki tera, asin ku ña kamiñu i mas altu di ki di bos; ña pensamentus tambi, asin ki mas altu di ki di bos.

Naun 1:3

SIÑOR ta tarda pa paña raiba, ma i ten garandi forsa; nunka i ka ta disa kulpadu sin kastigu. SIÑOR tene si kamiñu na urdumuñu ku turbada. Nuvens i puera di si pe.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”