Jo 35:13 - BIBLIA - traduson antigu in Krioulo

¹³ Na bardadi Deus ka na obi gritu di lebiandadi, kil ku ten tudu puder i ka na para sintidu nel.

Jo 35:13 ပူးပေါင်းရင်းမြစ်များ

Jo 15:31

Ka i fia na kusas ku ka bali, i ngana si kabesa, pabia si pagamentu na sedu ki kusas ku ka bali.

Jo 30:20

“O Deus, N ta comau, ma bu ka ta ruspundin. N ta firma, ma bu ka ta da atenson pa mi.

Salmus 102:17

I na ruspundi orason di kil ku bandonadu, i ka na njuti si rogu.

Salmus 66:18

Si N daba lugar pa pekadu na ña korson, SIÑOR ka na obinba.

Ditus 15:29

SIÑOR ta sta lunju di jinti mau, ma i ta obi orason di justu.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 28:9

Kil ku nega obi lei, si orason i nujenti pa SIÑOR.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Jeremias 11:11

Pabia di kila, ami, SIÑOR Deus, N fala kuma, N na tisi un mal riba delis ke ka na pudi kapli. E na coman, ma N ka na obi elis.

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Amos 5:22

Nin si bo tisin ofertas kemadu ku ofertas di kumida, N ka na kontenti ku elis, nin N ka na jubi pa limarias gurdu ku bo tisi pa ofertas di pas.

Mikeias 3:4

Bo na bin coma SIÑOR ma i ka na obi bos; i na sukundi si rostu di bos na ki tempu, manera ku bo fasi manga di kusa mau.”

Mateus 6:7

“Si bo na ora, ka bo ripiti palabra ciu suma kilis ku ka kunsi Deus, ku ta pensa kuma, si e papia ciu, Deus ta kumsa obi elis.

Bon Noba di Jesus Kristu ku Jon 9:31

No sibi kuma Deus ka ta obi kilis ku ta fasi mal, ma i ta obi algin ku rispital, ku ta fasi si vontadi.

Tiagu 4:3

Si bo pidi, bo ka ta risibi, pabia bo ta pidi mal, son pa bo gasta na bo vontadi.