Jo 35:11 - BIBLIA - traduson antigu in Krioulo

¹¹ ku ta danu mas kuñisimentu di ki limarias di tera, i fasinu mas jiru di ki kacus ku ta bua?’

Jo 35:11 ပူးပေါင်းရင်းမြစ်များ

Kumsada 1:26

Deus torna fala: “No kumpu jinti suma nos propi, no parsinti elis ku nos, pa e manda riba di pis di mar, riba di kacus di seu, riba di tudu limarias, di kasa ku di matu, riba di tudu limarias ku ta rasta na con.”

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Jo 21:22

“Nta algin pudi nsina Deus jiresa, kil ku ta julga kilis ku sta na lugar mas altu?

Jo 32:8

Na bardadi i ten spiritu na omi, ku sedu folgu di Deus ku ten tudu puder; el ku ta dal ntindimentu.

Jo 36:22

“Deus ta garandisidu na si forti puder; kin ku ta nsina suma el?

Salmus 94:10

Kil ku ta raprindi nasons, i ka ta kastiga? Kil ku ta nsina jinti, i ka ten kuñisimentu?

Salmus 94:12

SIÑOR, sortiadu i ki omi ku bu ta raprindi, kil ku bu ta nsina bu lei;

Jeremias 32:33

E viran kosta, e ka jubi pa mi; mesmu ku N nsina elis kada parmaña, e ka para sintidu, nin e ka seta avisu.

Mateus 6:26

Bo jubi pa kacus di seu; e ka ta sumia, e ka ta kebra, e ka ta junta na bemba, ma bo Pape ku sta na seu i ta alimenta elis. Nta abos bo ka mas bali di ki kacus?