Jo 31:23 - BIBLIA - traduson antigu in Krioulo

²³ Pabia kastigu di Deus i un kusa meduñu pa mi; suma N ka pudi nguenta si garandesa, N ka pudiba fasi kusas asin.

Jo 31:23 ပူးပေါင်းရင်းမြစ်များ

Kumsada 39:9

Ne kasa i ka ten ningin riba di mi. Ña dunu ka tujin nada, si i ka sedu abo, pabia bu sedu si minjer. Kuma ku N na fasi e mal garandi, N peka kontra Deus?”

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Jo 13:11

Nta bo ka ta panta pa si garandesa? Medu del ka ta kai riba di bos?

Jo 20:23

Ora ki kaba inci bariga, Deus na manda forsa di si raiba riba del suma cuba.

Jo 21:20

Si propi uju dibi di oja si kastigu; i dibi di bibi raiba di Deus ku ten tudu puder.

Jo 30:15

Medu bin toma konta di mi; ña rispitu bai, suma kusa ku bentu bari; ña sabura pasa suma nuven.

Jo 31:3

I ta manda pirdison pa kil ku ta yanda mal; i ta manda kastigu pa kilis ku fasi pekadu.

Jo 40:9

Bu tene mon suma Deus? O bu pudi fasi baruju ku vos suma di sil?

Salmus 119:120

Ña kurpu na tirmi ku medu di bo; N ten medu ku rispitu pa bu leis.

Salmus 76:7

I abo son ki meduñu; si bu paña raiba, kin ku pudi firma bu dianti?

Salmus 88:15

Disna di ocan rapas N sufri ciu, N sta kuas pa muri. Ora ku N sufri bu kastigu meduñu, N ta fika tarpajadu.

Isaias 13:6

Bo cora, pabia dia di SIÑOR sta pertu, dia ku kil ku ten tudu puder na bin pa dana.

Joel 1:15

Ai, ki dia! Dia di SIÑOR sta ja pertu; i na bin ku garandi danu di Deus ku ten tudu puder.

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.