Jo 31:17 - BIBLIA - traduson antigu in Krioulo

¹⁷ N ka kume ña bokadu di kumida sin pati orfan.

Jo 31:17 ပူးပေါင်းရင်းမြစ်များ

Neemias 8:10

Bo bai kume bon kumida, bo bibi kusa meladu; bo manda kiñon pa kilis ku ka purpara nada, pabia e dia i dia sagradu pa no SIÑOR. Ka bo fika tristi, pabia alegria di SIÑOR i bo forsa.”

Ester 2:7

Mardokeu kriaba Adasa, ku sedu Ester, fiju di si tiu, pabia i ka teneba nin pape nin mame. I seduba bajuda di kurpu ku rostu bonitu. Oca ku si pape ku mame muri, Mardokeu tomal suma si propi fiju.

Jo 22:7

Bu ka da yagu pa kilis ku sta kansadu, nin bu ka da kumida pa kilis ku tene fomi.

Jo 31:18

Disna di ocan nobu, i kirsi ku mi; N sedu suma si pape; N gial disna ku N padidu.

Jo 31:21

si N lantanda ña mon kontra orfan, suma ku N sibi kuma N pudi ngaña na kau di fasi justisa,

Ezekiel 18:16

i ka ta kalka ningin, nin i ka ta fika ku kusa di mpiñu si i pista; i ka ta furta, ma i ta da kumida pa kil ku tene fomi, i ta da ropa pa kil ku sta nun.

Ezekiel 18:7

I ka ta kalka ningin, ma, si algin mpiñal un kusa, i ta tornal el. I ka ta furta, ma i ta da kumida pa kilis ku tene fomi; i ta da ropa pa kilis ku sta nun.

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Bon Noba di Jesus Kristu ku Jon 13:29

ma, suma ku Judas ta rakada diñeru, utrus pensaba kuma Jesus falal pa i kumpra kusa ki pirsis pa festival, o pa i bai da pobris kualker kusa.

Atus 4:32

Ki manga di krenti teneba un pensamentu ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

Romanus 12:13

Bo juda krentis ku ten nesesidadi, bo sedu gasijadur di ospri.

Ripitison di Lei 15:11

Sempri i na ten jinti koitadi na metadi di Israel. E ku manda N dau ordi, N falau: Yabri diritu bu mon pa bu ermon ku ten falta, kil ki koitadi na bu tera.

Ripitison di Lei 15:14

Yabri bu mon bu dal un parti di kil ku SIÑOR bu Deus bensuau ku el, di limaria, biñu ku miju.

Tiagu 1:27

Koldadi riliẑion ku ka ten kulpa nin manca dianti di Deus no Pape i es: pa bai juda orfans ku viuvas na se kansera, tambi pa libra di podrisa de mundu.

1 Jon 3:17

Kin ku sta ben ne mundu, i oja si ermon ku falta, i fica si korson pa el, kuma ki pudi fala kuma amor di Deus sta nel?