Jo 27:5 - BIBLIA - traduson antigu in Krioulo

⁵ N ka na da bos roson; N ka na nega ña bardadi tok N muri.

Jo 27:5 ပူးပေါင်းရင်းမြစ်များ

Jo 13:15

Mesmu ki matan, N na pui ña speransa nel, ma N na difindi ña kasu si dianti.

Jo 17:9

Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Jo 2:3

SIÑOR punta Satanas: “Bu nota pa ña servu Jo? I ka ten ningin na mundu ku parsi ku el. I omi di bardadi ku ta rispitan, i ta yanda diritu, i libra di fasi mal. El i guarda si bardadi te gosi, mesmu ku bu cucin kontra el, pa kastigal sin roson.”

Jo 2:9

Si minjer falal: “Nta bu na guarda bu bardadi inda? Maldisua Deus, bu muri!”

Jo 29:14

N kubriba ku bondadi suma ropa; ña vida justu i seduba suma manta ku koroa.

Jo 31:6

Deus ta pesan na balansu sertu; i na sibi kuma N tene korson di bardadi.

Jo 31:7

Si ña pe ta disvia di kamiñu, si ña korson bai tras di ña uju, si ña mon pega kualker pekadu,

Jo 32:1

Ki tris omi para ruspundi Jo, pabia el i oja kuma i sedu algin justu.

Jo 32:2

Eliu, fiju di Barakel, di jorson di Buz, di familia di Ran, i paña raiba kontra Jo pa manera ku kila na mostra kuma i mas ten roson di ki Deus.

Jo 32:3

I paña raiba tambi kontra ki tris amigu, pabia e ka oja manera di ruspundi Jo, ma inda e na kondenal.

Jo 33:9

Bu fala: ‘Ami N sta limpu, sin pekadu; N sta puru, N ka ten kulpa.

Jo 42:7

Dipus ku SIÑOR kaba papia e palabra ku Jo, i fala Elifaz di Teman: “N ten raiba kontra bo ku bu dus amigu, pabia bo ka fala kusas retu aserka di mi, suma ña servu Jo.

Jo 6:29

Bo torna pensa; ka bo akusan di pekadu. Bo pensa diritu; bo na oja kuma N sedu justu.

Ditus 17:15

Kil ku da roson pa kulpadu, ku kil ku kondena justu, e nujenti pa SIÑOR, tudu dus.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Gálatas 2:11

Oca ku Pedru ciga na Antiokia, N papia kontra el si dianti, pabia i tenba kulpa.

Ripitison di Lei 25:1

Si dus omi tene keŝa na se metadi, e bai pa kau di fasi justisa pa kasu pudi julgadu, juisis na da roson pa kil ki justu, e na kondena kil ku ten kulpa.