Jo 24:5 - BIBLIA - traduson antigu in Krioulo

⁵ Suma buru di monti na lala, ki koitadis ta lanta sedu, e sai pa buska si e ta oja kusa di kume. Son lugaris ku ka labradu ku ta da kumida pa elis ku se fijus.

Jo 24:5 ပူးပေါင်းရင်းမြစ်များ

Kumsada 16:12

I na sedu omi brabu; si mon na sta kontra tudu jinti, mon di tudu jinti kontra el. I na mora lunju di tudu si ermons.”

Kumsada 27:40

Bu na vivi ku spada na mon; bu na sirbi bu ermon, ma tempu na ciga ku bu na sedu rebeldi, bu na sakudi si korenti na bu garganti.”

Jo 12:6

Tendas di bandidus ta ten diskansu. Kilis ku ta lantanda raiba di Deus e sta suguru; Deus pui tudu na se mon.

Jo 24:14

Mandrugada matadur ta lanta, i mata koitadis; di noti i ta bida suma ladron.

Jo 24:6

E ta korta paja pa limarias na un lugar ki ka di selis; e ta kuji uvas na orta di omi mau.

Jo 5:5

Kilis ku tene fomi e na kume si kebur; te na metadi di fididas e na rabatal. Bandidus na pui uju na si rikesa.

Salmus 104:23

Omi ta sai pa si tarbaju, i ta pega nel te di tardi.

Ditus 4:16

Jinti mau ka ta pudi durmi si e ka fasi mal; sonu ta kuri delis si e ka pui algin kai,

Jeremias 2:24

o suma buru femia di monti ku kustuma matu. Konformi si diseẑu i ta cera bentu; kin ku pudi tujil si nkontru? Tudu macus ku na buskal e ka na kansa; na si propi tempu e ta ojal.

Oseias 7:6

E tene korson purparadu suma furnu; e na fasi planus di malvadesa. Di noti se raiba na durmi; parmaña i ta rebenta fugu.

Oseias 8:9

Suma buru di matu ku ta yanda el son, asin ku Efrain bai pa Asiria. I bindi si kurpu pa si amantis.

Mikeias 2:1

Ai di kilis ku dita na se kamas, e pensa na mal, e fasi planus malvadu; ora ku sol mansi e ta pul na pratika, pabia forsa sta na se mon.

Sofonias 3:3

Si ŝefis sedu suma lions ku na somna; si juisis e sedu suma lubus di tardi, ku ka ta sobra nin un os pa utru dia.

Bon Noba di Jesus Kristu ku Jon 18:28

Dipus, e leba Jesus di kasa di Kaifás pa palasiu di gubernadur. I seduba parmaña sedu. Judeus ka yentra na palasiu pa ka e kontamina, ma pa e pudi kume kumida di Paskua.

Atus 23:12

Oca ku sol mansi, utru judeus junta, e fasi un juramentu, e fala e ka na kume nada, e ka na bibi, tementi e ka mata Paulu.