Jo 24:4 - BIBLIA - traduson antigu in Krioulo

⁴ E ta serka koitadis na kamiñu, tok e ta kuri, e bai sukundi.

Jo 24:4 ပူးပေါင်းရင်းမြစ်များ

Jo 24:14

Mandrugada matadur ta lanta, i mata koitadis; di noti i ta bida suma ladron.

Jo 29:12

pabia N ta libraba koitadi ku na pidi ajuda, tambi ku orfan ku ka teneba kin ku na sakural.

Jo 29:16

N seduba pape pa kilis ku ka tene nada; si un algin strañu teneba purblema, N ta bai jubil diritu.

Jo 30:25

Nta N ka cora pa kilis ku pasa mal? O ña korson ka fika tristi pabia di koitadis?

Jo 31:16

“N ka tuji koitadis kil ke misti, nin N ka pui viuva pa i kansa pa pera ajuda.

Jo 31:19

“Si N oja algin ku ka tene nada, ku na muri ku falta di ropa;

Salmus 109:16

Ki omi, nunka i ka lembra di mostra bondadi, ma i pirsigi koitadis, kilis ku ten falta, ku kilis ku tene korson kebrantadu, pa i pudi mata elis.

Salmus 41:1

Sortiadu i kil ku ta pensa na koitadis; SIÑOR na libral na dia di foronta.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Ditus 22:16

Kil ku ta kalka koitadis pa buri si rikesa, o ku ta pati rikus, i na bin sedu koitadi.

Ditus 28:12

Ora ku bon jinti ngaña puder, pobu ta kontenti, ma ora ku omis mau subi na puder, jinti ta bai sukundi.

Ditus 28:28

Ora ku omis mau subi na puder, jinti ta sukundi, ma ora ke pirdi, justus na bai dianti, e na ciu.

Ditus 30:14

I ten jinti ku tene dintis suma spada, ku keŝada suma faka, pa kaba ku jinti ku sta na kansera, ku koitadis.

Isaias 10:2

pa tuji koitadi ngaña na justisa, pa tira diritus di kilis di ña pobu ku foronta, pa roba kusas di viuvas ku orfans.

Ezekiel 18:12

i ta kalka koitadi ku kil ku pirsisa; i ta furta; si algin mpiñal un kusa, i ka ta tornal el. I ta pui sintidu na idulus, i ta fasi kusas nujenti;

Ezekiel 18:18

Si pape na muri pabia di si pekadu, manera ki kalka jinti, i furta kusas di si ermon, i fasi kil ku ka sedu bon na metadi di si pobu.

Ezekiel 22:29

Pobu di Israel ta kalka jinti ku forsa, e ta yanda na furtu ku violensia; e ta trata mal kil ku foronta, ku kil ku ten falta; e ta kalka stranjeru, sin roson.

Amos 2:7

E ta masa kabesa di koitadis na reia di con; e ta tursi justisa di jinti mansu. Un omi ku si pape ta sta ku mesmu noiva, pa kontamina ña nomi sagradu.

Amos 4:1

“Bo sukuta e palabra, abos minjeris di monti di Samaria, ku taka suma bakas di Basan, ku ta kalka koitadis, ku ta molosta kilis ku ten falta, ku ta fala bo omis: ‘Bo tisi li, no bibi!’