Jo 22:3 - BIBLIA - traduson antigu in Krioulo

³ O kil ku ten tudu puder i ten interes pa bu sedu justu? O i ta oja lukru si bu yanda sin kulpa?

Jo 22:3 ပူးပေါင်းရင်းမြစ်များ

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Jo 21:15

E ta punta: ‘Kin ki Deus ku ten tudu puder, pa no sirbil? Ke ku no na purbita si no fasi orason pa el?’

Jo 22:2

“Nta kualker omi, nin si i jiru, i ten purbitu pa Deus?

Jo 22:4

“Nta i pabia di bu rispitu pa Deus ki ta raprindiu, i tisi keŝa kontra bo na justisa?

Jo 34:9

I fala kuma nada omi ka ta purbita si i ta pui Deus kontenti.

Jo 35:7

Si abo i justu, kal purbitu ki ten pa el? Ke ki na risibi na bu mon?

Salmus 119:59

N pensa na manera ku N na yanda, N riba pa bu nsinamentus.

Salmus 39:1

N fala kuma N na toma sintidu ku ke ku N na fasi pa N ka peka ku lingua. N na mara ña boka nkuantu omi mau sta ku mi.

Ditus 11:1

Balansu di nganu i nujenti pa SIÑOR, ma i ta kontenti ku pesu justu.

Ditus 11:20

SIÑOR nuju jinti ku tene korson tortu, ma i ta kontenti ku kilis ku ta yanda sin kulpa.

Ditus 12:22

SIÑOR ta nuju boka di munturus, ma i ta kontenti ku kilis ku ta kumpri se palabra.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 9:12

Si bu sedu jiru, i na sedu purbitu pa bo. Si bu ta fasi trosa, i abo son ku na sufri.

Malakias 2:17

Bo ta kansa SIÑOR ku bo palabras, ma bo ta punta: “Na ke ku no kansal?” Bo ta kansal manera ku bo ta fala: “Jinti ku fasi mal ta ojadu bon na uju di SIÑOR; el i ta kontenti ku elis.” Tambi bo ta punta: “Nunde ku Deus di justisa sta nel?”

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.