Jo 17:9 - BIBLIA - traduson antigu in Krioulo

⁹ Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Jo 17:9 ပူးပေါင်းရင်းမြစ်များ

Kumsada 20:5

Nta omi ka falan kuma i si irma? Minjer tambi i ka falan kuma i si ermon? N fasi es ku bon korson, ku mon limpu.”

2 Samuel 3:1

Gera bin tarda na metadi di jinti di Davi ku jinti di familia di Saul. Davi mas na ngañaba forsa, ma kilis di ladu di Saul e mas na fraksi.

Jo 22:30

I na libra mesmu kil ku ten kulpa, pabia di puresa di bu mon.”

Jo 27:5

N ka na da bos roson; N ka na nega ña bardadi tok N muri.

Jo 27:6

N na pega na ña bardadi, N ka na largal. Ña konsiensia ka na raproban, nin un dia di ña vida.

Jo 31:7

Si ña pe ta disvia di kamiñu, si ña korson bai tras di ña uju, si ña mon pega kualker pekadu,

Jo 33:9

Bu fala: ‘Ami N sta limpu, sin pekadu; N sta puru, N ka ten kulpa.

Salmus 11:3

Si alisersus na danadu, ke ku justu pudi fasi?”

Salmus 24:4

I kil ku tene mon limpu ku korson puru, ku ka ta ntrega si vida pa deus falsu, nin i ka ta jurmenta ku nganu.

Salmus 26:6

N laba mon pa mostra kuma N ka ten kulpa; asin N na yanda na roda di bu altar, SIÑOR,

Salmus 73:13

Na bardadi, i ka baliba pena pa N purifika ña korson, pa N laba ña mon sin kulpa,

Salmus 84:11

SIÑOR Deus i sol, i tajadera; SIÑOR ta da fabur ku gloria. I ka ta nega da kualker kusa bon pa kilis ku ta yanda na retidon.

Salmus 84:7

E ta fika e na ngaña forsa pa bai, tok kada kin bai ciga dianti di Deus na Sion.

Salmus 84:8

SIÑOR Deus ku ten tudu puder, sukuta ña orason; para bu oreja, o Deus di Jakó. Sela

Ditus 10:25

Suma ku turbada ta lanta, asin ku bentu ta leba jinti mau, ma justus ta fika firmi pa sempri.

Ditus 10:30

Algin justu ka na rinkadu, ma jinti mau ka na fika na tera.

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Markus 7:2

E rapara kuma utru disipulus di Jesus na kumeba ku mon kontaminadu, suma ke ka fasi sirmonia di se kustumu di laba mon,

Tiagu 4:8

Bo ciga pertu di Deus; i ta ciga pa bos. Bo limpa bo mon, abos ku ta fasi pekadu; abos di dus sintidu, bo purifika bo korson.

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

1 Jon 2:19

E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu klaru kuma elis i ka di nos.